Հայաստանը պետք է իր վրա վերցնի Ղարաբաղի հակամարտության կարգավորման նախաձեռնությունը21 մարտի 2008 - 18:28 AMT PanARMENIAN.Net - Հայկական իշխանությունները չպետք է փակեն իրենց աչքերը ՄԱԿ-ի Գլխավոր ասամբլեայում ընդունված Ադրբեջանի բանաձեւի վրա, գտնում է Ղարաբաղի նախկին արտգործնախարար Արման Մելիքյանը: «Անգամ եթե բանաձեւն ընդունվեր մեկ ձայնի գերազանցությամբ, այն ամեն դեպքում հանդիսանում է միջազգային փաստաթուղթ: Այս փաստաթղթի ընդունումն ամեն դեպքում կարելի է համարել հայկական դիվանագիտության կործանում»,- ասել է Մելիքյանը:Սակայն նա նշել է, որ բանաձեւի ընդունումը Հայաստանի համար աղետալի չէ, եւ կարելի է արժանի ելք գտնել ստեղծված իրավիճակից: «Մեր խնդիրը կայանում է նրանում, որ մենք սխալ ենք հասկանում միջազգային շահերը, եւ ողջ այս շրջանը կենտրոնացած էինք ռազմական գործողությունների վերսկսումը կանխելու վրա: Այո, պատերազմը, իրոք, չի վերսկսվել, սակայն ղարաբաղյան հակամարտությունն ինքը չկարգավորված է մնում»,- ասել է Մելիքյանը: Նրա խոսքերով, Հայաստանը պետք է իր վրա վերցնի Ղարաբաղի հակամարտության կարգավորման նախաձեռնությունը եւ ակտիվ քայլեր ձեռնարկի այդ ուղղությամբ: «Այսօր Հայաստանին նոր մոտեցումներ եւ նոր մարդիկ են պետք բանակցություններին մասնակցելու համար: Այնպիսի մարդիկ են պետք, ովքեր որեւէ խոստում չեն տվել եւ կապված չեն որեւէ համաձայնագրերով: Մեր ձեռքերում են բոլոր խաղաթղթերը, իսկ Ադրբեջանը շատ ագրեսիվ դիրքորոշում է գրավել»,- ասել է Արման Մելիքյանը, հաղորդում է «Նովոստի-Առմենիան»: Հիշեցնենք, որ մարտի 14-ին ՄԱԿ-ի Գլխավոր վեհաժողովը 62-րդ նստաշրջանին 39 «կողմե» յոթ «դեմ» եւ 100 «ձեռնպահ» ձայների հարաբերակցությամբ հավանություն է տվել «Իրավիճակը Ադրբեջանի օկուպացված տարածքներում» բանաձեւին: ԵԱՀԿ ՄԽ համանախագահ երկրները՝ ԱՄՆ-ն, Ֆրանսիան եւ Ռուսաստանը, դեմ են քվեարկել փաստաթղթին: ![]() ![]()
«Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս ![]() ![]() ![]() | ![]() ![]() ![]() ![]() ![]() ![]() ![]() ![]() |