Հերթը հասավ գետնանցումներում գործող կրպակներին 25 օգոստոսի 2011 - 15:10 AMT PanARMENIAN.Net - Քաղաքապետարանը արդեն մի քանի տարի է չի երկարաձգում Երևանի կենտրոնի գետնանցումներում գործող կրպակների վարձակալության ժամկետները այն պարզ պատճառով, որ շուտով հայտարարվելու է աճուրդ և գետնանցումները դառնալու են մեկ հոգու սեփականությունը: Այսօր PanARMENIAN.Net ի թղթակցի հետ զրույցում այս մասին ասաց Աբովյան-Կորյուն խաչմերուկի գետնանցումի կրպակատերերից մեկը, ով հասկանալի պատճառներով չցանկացավ ներկայանալ, և հավելեց, որ մոտ 10 օր առաջ նամակով դիմել են քաղաքապետարան, պահանջել պարզաբանումներ` ինչ է կատարվում և ինչ է լինելու երկար տարիներ իրենց կողմից վարձակալվող կրպակների հետ: Քաղաքապետարանից պատասխանել են, որ սեպտեմբերի 19-ին նախատեսվող աճուրդով գետնանցումը վաճառվելու է: Օգոստոսի 26-ին գետնանցումի կրպակատերերը հավաքվելու են որոշելու` ինչ մեթոդներով պայքարել սեփական իրավունքների համար: “Հավաքվելու ենք, բայց դե որ արդեն որոշել են… ինչ էլ անենք, նրանց դեմը առնել չենք կարողանա”,- հուսահատված ասաց կրպակատերը: Երևանի քաղաքապետարանի պաշտոնական կայքում դրված հայտարարություն մեջ նշվում է, որ սեպտեմբերի 19-ին աճուրդի կդրվի Մաշտոցի պողոտա թիվ 20/4 հասցեում գտնվող գետնանցումը: Հայտարարության մեջ նշվում է` “Մաշտոցի պողոտա թիվ 20/4 հասցեում առկա են փաստացի օգտագործողներ, և մրցույթի հաղթողը կրում է դրա հետ կապված բոլոր ռիսկերը”: Ուշագրավ Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը Դիմում կարող են ներկայացնել ծրագրի առաջին փուլի պայմաններին բավարարող շահառուները Ամենաընթերցվողը բաժնում | ԱԺ պատգամավորները Գերմանիայի ԱԳ պետնախարարի հետ քննարկել են ՀՀ-Ադրբեջան խաղաղության գործընթացը Հատուկ անդրադարձ է կատարվել ՀՀ-ԵՄ հարաբերությունների զարգացմանն ու ամրապնդմանը Քևին Սփեյսին՝ «Ոսկե ծիրանի» պատվավոր հյուր Սփեյսին կրկնակի Օսկարակիր է, արժանացել է Լոուրենս Օլիվյեի մրցանակին Հնդկաստանի ԱԳ նախարար. Մեզ համար ՀՀ դիրքը շատ կարևոր է, այն Եվրոպայի և Արևելքի միջև է «Կան շատ հնարավորություններ` զարգացնելու փոխշահավետ կապերը»,–ասել է նա Միրզոյանն ու Ֆիդանը հեռախոսազրույցում քննարկել են տարածաշրջանային զարգացումները Անդրադարձ է կատարվել Հայաստանի և Թուրքիայի միջև հարաբերությունների կարգավորման գործընթացին |