«Հիշողություններ ֆրոնտից» - Լևոն Բուդլոյան. Մեծ Հայրենականի տարիներին կարևոր էր ապահովել նաև Հայաստանի անվտանգությունըԺամանակ էի գտնում համերգներ գնալու, քանի որ երաժշտությունն իմ կայնքում շատ յուրահատուկ տեղ է գրավում Լևոն Բուդլոյանը ծնվել է 1917 թվականին Բաթումիում: Գնդապետ Բուդլոյանին լուսանկարելուց որոշ ժամանակ անց մենք ցավոք իմացանք, որ նա մահացել է: Սակայն նրա մասին նյութ պատրաստելուն մեզ օգնեց նրա բարեկամը` տրամադրելով Բուդլոյանի տեսագրություններն ու նրա հեղինակած գրքերը: 19 ապրիլի 2013 PanARMENIAN.Net - Դեպի պատերազմ. 1938 թվականին ես զորակոչվեցի Կարմիր Բանակ 14 տարեկանում ես ստիպված էի թողնել ուսումս ու աշխատել որպես բանվոր: Ես տան մեծ երեխան էի ու պետք է օգնեի ծնողներիս: Իսկ ազատ ժամանակս ամբողջովին տրամադրում էի դասական երաժշտության ուսումնասիրությանը: Բայց ես կարծում էի, որ տղամարդը չի կարող երաժիշտ լինելով գումար վաստակել և պահպանել իր գոյությունը: Կարծում էի, որ նա պետք է գործ ունենա հողի, քարի կամ էլ երկաթի հետ:
1938 թվականին ես զորակոչվեցի Կարմիր Բանակ: Ես ուղևորվեցի դեպի Սիբիր, որտեղից մեր սիբիրյան հատուկ դիվիզիան ճանապարհ ընկավ դեպի Ֆինլանդիայի ռազմաճակատ: Այսպիսիով, ես մասնակցեցի ֆիննական պատերազմին: Ռազմաճակատում. Ֆինների պաշտպանությունը շատ կազմակերպված էր, բայց մենք գրավեցինք Վիբորգը Խորհրդային Միությունն, իր հյուսիսային սահմանների և Լենինգրադի անվտանգությունն ապահովելու պատրվակով, 1939 թվականի նոյեմբերի 30-ին պատերազմ սկսեց Ֆինլանդիայի դեմ։ Հաջորդ տարի մարտի 13- ին ստորագրվեց խորհրդա-ֆիննական հաշտության պայմանագիրը, ըստ որի Խորհրդային Միությանն անցավ Կարելական պարանոցը` հարակից տարածքներով։ Բացի այդ, Խորհրդային Միությունը 30 տարի ժամկետով վարձակալելու էր Խանկո թերակղզին և հարակից կղզիները` ռազմական հենակայան կառուցելու համար: Խորհրդային Միությունն այնտեղ ուղարկել էր մեծ քանակությամբ զինամթերք, տեխնիկա, զորք: Չնայած ֆինների պաշտպանությունը շատ կազմակերպված էր գործում, բայց մեզ հաջողվեց ճեղքել այն ու գրավել Վիբորգ քաղաքը: Բայց մեր դիվիզիան շատ- շատ զոհ տվեց, ու մեզ ոչ մեդալներով և ոչ էլ պատվոգրերով չպարգևատրեցին: Մահվան եզրին. Չգիտեի, որ հակահետախուզությունը տեղնուտեղը բացել է նամակս Շատ դաժան էր իրականում ֆիննական պատերազմը մեզ համար: Պատերազմի ավարտից հետո ես վերադարձա Սիրբիր և նամակ գրեցի Սովետական Միության կոմունիստական կուսակցության կենտրոնական կոմիտե, որտեղ տեղեկացրի այն թերությունների մասին, որոնք կային ֆիննական պատերազմի կազմակերպման հարցում: Նամակս դրեցի եռանկյուն սովորական ծրարի մեջ և ուղարկեցի, սակայն չգիտեի, որ հակահետախուզությունը տեղնուտեղը բացել է նամակս: Ինձ կանչեցին հարցաքննության. ում հետ եմ գրել այդ նամակը, ով է ինձ ուղղորդել, ինչու: Ասում եմ ոչ ոք ինձ ոչինչ չի ասել, ես եմ գրել ամեն ինչ: Ես եղել եմ այդ պատերազմում, ապրել եմ այդ դաժան օրերը, կորցրել շատ ընկերներ: Ես կոմունիստ եմ ու բացեիբաց ասում եմ այն ամենն, ինչ եղել է: Ինձ մի կերպ հաջողվեց նրանց համոզել, որ սա վատ մտայնություններով գրված նամակ չէ ու ինձ բաց թողեցին: Հաղթանակին սպասելիս. Հայրենական պատերազմի տարիներին ես աշխատում էի որպես հետախույզ Այս դեպքից հետո էլ վերադարձա Բաթումի ու հասկացա, որ իմ տեղը Հայաստանում է: Եթե ես ինչ-որ բան եմ ուզում անել իմ ազգի համար, ապա դա պետք է տեղի ունենա Հայաստանում: Երևանում դարձա պետական անվտանգության աշխատակից և աշխատում էի որպես հետախույզ: Ապա եկավ 1941 թվականն ու սկսվեց Հայրենական Մեծ պատերազմը: Շատ դժվար, ծանր էր վիճակը ոչ միայն ռազմաճակատում, այլև թիկունքում: Ինձ պահեցին Հայաստանում, որտեղ ես շարունակում էի իմ հետախուզական աշխատանքները: Շատ կարևոր էր ճիշտ կազմակերպել նաև Հայաստանի անվտանգությունը: Փառք Աստծո, պատերազմում Խորհրդային բանակը հաղթանակի հասավ, և մենք էլ` հետախույզներս, մեզ հանձնարարված գործը կարողացանք լավ կատարել ու մեր ներդրումն ունենալ խաղաղության կերտման հարցում: Բոլորս էինք ուրախ, որ վերջապես ավարտվեց պատերազմը: Պարգևատրվել եմ 16 մեդալներով, այդ թվում` մարտական: Ես շատ ուրախ եմ, որ ստացել եմ այսքան մեդալներ, որոնք տրվել են հայրենիքին նվիրված ծառայելու համար: Պատերազմից հետո. Ես շարունակեցի աշխատել ազգային անվտանգությունում և ոստիկանությունում Պատերազմից հետո ես շարունակեցի աշխատել ազգային անվտանգությունում, ապա նաև ոստիկանությունում: Գլխավորել եմ վիզաների և գրանցման բաժինը: Մի դեպք պատմեմ, ես Վահրամ Փափազյանի հետ շատ մտերիմ էի: Գալիս էր մեզ մոտ, որպեսզի Մեծ Բրիտանիայի վիզա ստանա, նա այնտեղ պետք է ներկայացում ունենար` խաղալու էր «Օթելլո»: Բայց նրան վիզա ստանալ չէր հաջողվում: Սա, իհարկե, տխուր էր, բայց մենք այդ ընթացքում իրար հետ ծիծաղում էինք, կատակներ անում և փորձում մեղմել այդ տխուր վիճակը: Բացի այդ, ժամանակ էի գտնում համերգներ գնալու, քանի որ երաժշտությունն իմ կայնքում շատ յուրահատուկ տեղ է գրավում: Իմ խորհուրդներով շատ երաժիշտների եմ օգնել, որպեսզի նրանք տարբեր միջազգային փառատոններում լավ ներկայանան: 90 տարեկանում ես սկսեցի գրքեր գրել, և երեք գրքի հեղինակ եմ: Տիգրան Մեհրաբյան / PanARMENIAN Photo, Գոհար Նալբանդյան / PanARMENIAN News | Նախագծի գործընկեր «Հիշողություններ ֆրոնտից» նախագիծ Արդեն 20 տարի է մայիսի 9-ը հայերի համար եռատոն է՝ Շուշիի ազատագրման օրը, Արցախի Պաշտպանության բանակի օրը, և, իհարկե, Հայրենական Մեծ պատերազմում Հաղթանակի օրն է: Այս տարի մայիսի 9-ին ողջ աշխարհը կնշի Հաղթանակի 68-րդ տարեդարձը: Խորհրդային բանակի շարքերում Հայերնական Մեծ պատերազմին մասնակցել է շուրջ 500 հազար հայ Հայաստանից: Թե որքան հայ մասնակիցներ են եղել Սփյուռքից, մինչ օրս ստույգ հայտնի չէ: Հայաստանը մեծ կորուստներ կրեց այդ պատերազմում, ռազմաճակատից չվերադարձավ յուրաքանչյուր երկրորդը՝ ընդհանուր առմամբ շուրջ 300 հազար մարդ: Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին Բաժնի այլ նյութերը Հեպատիտի նոր ենթատեսակը տարածվում է երեխաների շրջանում Ինչ է այն ու ինչպես պայքարել` հայտնի չէ Հայրենիքը՝ հեծանիվի դիմաց Ինչ արժե պետությանը դավաճանելը Յոթ որդու Բավական քույրը Տարեկան քանի՞ աղջիկ չի ծնվում Հայաստանում | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |