 7 09.03.16 - Թումանյան 25-ի շենքը           Թումանյան 25-ը կարող է հյուրանոց դառնալ. Բնակիչները տարակարծիք են2015-ին Թումանյան 25 հասցեով շենքի բնակիչները ծանուցում են ստացել քաղաքապետարանից, որ սկսում են սեփականության օտարման գործընթաց և նախատեսում են շենքը օտարել «Ռենշին» սահմանափակ պատասխանատվությամբ ընկերությանը, որին պատկանում է շենքի առաջին հարկը: Ծրագրով նախատեսվում է Թումանյան և Եզնիկ Կողբացի փողոցների հատման մասում կառուցել հյուրանոց՝ 80 հյուրանոցային համարով: Սակայն բնակիչների հետ դեռ ոչ ոք չի քննարկել տեղափոխման ու փոխհատուցման հարցը, առաջարկներ չեն արվել: Ապրիկի 5-ին դատական նիստ է տեղի ունենալու՝ «Ռենշին» ընկերության և քաղաքապետարանի դեմ, շենքը բացառիկ գերակա հանրային շահ չճանաչելու բնակիչների պահանջով:  9 մարտի 2016PanARMENIAN.Net - Շենքում ընդամենը 7 բնակարան կա, իսկ նկուղային հարկում ժամանցի չորս հաստատություն, որոնցից 2-ը պատկանում է շենքի երկու ընտանիքին: PanARMENIAN.Net ը զրուցել է շենքի բնակիչների հետ: «Եթե համարժեք փոխհատուցում լինի՝ միգուցե» «Մենք ներքևը բիզնես-տարածք ունենք, որը ընտանիքի եկամուտի հիմնական աղբյուրն է, և պետք է հասկանալ, թե ինչ փոխհատուցում կարող է լինել, որպեսզի մենք կորուստ չունենանք: Քաղաքի առաջին գարեջրատունն է, հայտնի է բոլորին, քաղաքի կենտրոնում է, անցուդարձը շատ է. այդ թվում, տեղանքի շնորհիշ է, որ բիզնեսը բավականին բարձր եկամուտ է ապահովում», - ասաց Գոհար Սիմոնյանը: Նա նկատեց, որ գարեջրատան տարածքը վերանորոգել են, ինչի համար վարկ են վերցրել: Սիմոնյանը շեշտեց, որ հնարավոր է համաձայնվեն տեղափոխվել, բայց միայն մոտակայքում գտնվող բնակարան, ոչ ծայրամասում, իսկ բիզնեսը նույնպես պետք է մոտիկ տեղ տեղափոխվի՝ Օպերայի և բալետի թատրոնի շրջակայքում: Պատասխան առաջարկ ունեն «Ռենշին»-ին Շենքի այլ բնակիչ՝ Լենա Մելիքյանը տեղեկացրեց, որ ապրիկի 5-ին դատական նիստ է տեղի ունենալու՝ «Ռենշին» ընկերության և քաղաքապետարանի դեմ, շենքը բացառիկ գերակա հանրային շահ չճանաչելու բնակիչների պահանջով: Առաջին նիստը եղել է 2015-ին, սակայն պահանջը մերժվել է: Մելիքյանը նշեց, որ բնակարան չունեն վաճառքի: Նա չի հավատում, որ համարժեք փոխհատուցում կառաջարկեն իրենց, և բացառում է տեղափոխումը: Նա նաև տեղեկացրեց, որ բնակիչները ցանկանում են գնել «Ռենշին»-ից անմխիթար վիճակում գտնվող առաջին հարկը և բարեկարգել այն: 3 սենյականոց՝ 2-ի տեղը Միաժամանակ, այլ ընտանիքի ներկայացուցիչ՝ Սուսաննա Քամալյանը նշեց, որ կդիտարկեն տեղափոխման հնարավորությունը միայն այն դեպքում, եթե իրենց 2 սենյականոց բնակարանի տեղը 3 սենյականոց առաջարկեն և միայն կենտրոնում: Այլ տարբերակի համաձայն չեն: Նրա խոսքով՝ բնակիչների հետ ոչ մեկ այդ հարցերը նորմալ չի քննարկում, առաջարկ չի արվում: Տեղափոխվելը ծանր կլիներ Շենքի այլ բնակիչ՝ 82-ամյա Սեդա Զաքարյանը համաձայն չէ տեղափոխվել. ասում է, թե այս շենքում 1952-ից է ապրում, այստեղ է (առանձին բնակարանում) նաև նրա որդու ընտանիքը: «Տեղափոխվելը ծանր կլիներ, քանի որ տեղը թանկ է իմ համար, ամեն ինչին այստեղ շատ եմ սովորել»: Բնակիչներից ոմանք պնդում են, որ գնալու են «մինչև վերջ», որպեսզի շենքը չճանաչվի գերակա շահ: Քանդիր, թե կարող ես՝ PAN-ն ընթերցողին առաջարկում է փորձել որոշել քաղաքի ապագան և վճռել երևանյան 11 շենքի ճակատագիրը: Լուսինե Դալլաքյան / PanARMENIAN.Net  Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին    Ուշադրության կենտրոնում Բաժնի այլ նյութերըՀեպատիտի նոր ենթատեսակը տարածվում է երեխաների շրջանում  Ինչ է այն ու ինչպես պայքարել` հայտնի չէՀայրենիքը՝ հեծանիվի դիմաց Ինչ արժե պետությանը դավաճանելըՅոթ որդու Բավական քույրը Տարեկան քանի՞ աղջիկ չի ծնվում Հայաստանում |  Այլ հոդվածներ Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար Որոշումն ուժի մեջ է մտնում հրապարակման պահից՝ հոկտեմբերի 10–իցԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
