 Ինչպես է կառուցված առաջնագիծըԻնտերակտիվ քարտեզ Արցախում ապրիլյան ռազմական գործողությունների արդյունքում Պաշտպանության բանակի ու ադրբեջանական զորքերի շփման գիծը փոփոխություններ է կրել։  16 մայիսի 2016PanARMENIAN.Net - Հայկական կողմը որոշ հատվածներում դիրքեր է զիջել, ու դրանց նշանակության, հետ բերելու հնարավորության ու նպատակահարմարության և տարածքների մեծության հարցերը թեժ քննարկումների առարկա են դարձել: Հաճախ քննարկումներ են լինում ռազմական տերմինաբանության կիրառմամբ, որին լսարանը կարող է և քաջատեղյակ չլինել, երբեմն էլ այդ տերմինները սխալ են կիրառվում, ինչն էլ ավելի է խճճում կամ ապատեղեկացնում ընթերցողին: PanARMENIAN.Net ն ինտերակտիվ քարտեզով բացատրում է, ինչ է դիրքը, հենակետը, շփման գիծը ու առաջնագծի այլ կարևոր բաղկացուցիչները: Մոտեցրեք մկնիկը քարտեզի նիշերին՝ խոշորացված պատկերն ու տեքստը տեսնելու համար:
Քարտեզը ներկայացնում է Արցախի սահմանային գոտում կամայական ընտրված հայկական և ադրբեջանական զորքերի փոխդասավորությունը և չի ներկայացնում փոփոխության ենթարկված հատվածներից որևէ մեկը: Մեր նպատակն է միայն ընդհանուր կարգով ծանոթացնել կարևոր ռազմական տերմիններին, որոնք թույլ կտան ընթերցողին ավելի լավ կողմնորոշվել նմանատիպ քննարկումների և տեղեկություն ընթերցելու ժամանակ։ Հարկավոր է նաև հաշվի առնել, որ X թվով դիրք կամ հենակետ կորցնելն ինքնստինքյան տարածքային էական կորուստներ չի ենթադրում, սակայն դրանք կարող են ունենալ կարևոր մարտավարական նշանակություն։ Միաշամանակ պետք է հիշել, որ դիրքերն ու հենակետերը սովորաբար առաջնագծի պաշտպանական համակարգի անընդհատ շղթայի մասն են կազմում (ինչպես Արցախի դեպքում), և դրանցից որևէ մեկը գրավելով՝ հակառակորդը կարող է հայտնվել այդ շղթայի հարևան օղակներից կրակային հարվածների տակ։ Ռազմական տերմինաբանության համար օգտագործվել է «Մեր հաղթանակները» քառահատորյակի Գ և Դ հատորների ռազմական բառարանը (Երևան, «Նորավանք» ԳԿՀ, 2011, 2012 թթ) Սամսոն Հովհաննիսյան/PanARMENIAN.Net  Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին    Ուշադրության կենտրոնում Բաժնի այլ նյութերըՀեպատիտի նոր ենթատեսակը տարածվում է երեխաների շրջանում  Ինչ է այն ու ինչպես պայքարել` հայտնի չէՀայրենիքը՝ հեծանիվի դիմաց Ինչ արժե պետությանը դավաճանելըՅոթ որդու Բավական քույրը Տարեկան քանի՞ աղջիկ չի ծնվում Հայաստանում |  Այլ հոդվածներ Վերջին լուրեր Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև»ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսինԱդրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում ենՎարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |
