  Պուլիցերյան լուսանկարներԲոստոնի ահաբեկչությունից տուժածի պատմությունը 2014-ին «հատուկ լուսանկարներ» անվանակարգում Պուլիցերյան մրցանակի է արժանացել Ջոշ Հեները լուսանկարների շարքի համար, որը պատմում է Բոստոնի ահաբեկչությունից տուժած Ջեֆ Բաումի պատմությունը, որը կորցրել է 2 ոտքը և փորձում է վերադառնալ նորմալ կյանքի:  20 հուլիսի 2017PanARMENIAN.Net - Այն հարցին, թե ինչու է ինքը որոշել պատմել Բաումի կյանքի մասին պատահածից հետո, Հեներն ասել է, որ հաճախ մարդիկ հիշում են բուն ողբերգությունը, բայց մոռանում են դրանց զոհերի ու տուժածների մասին: Հեները ցույց է տվել մի մարդու պատմությունը, որն ահաբեկչությունից հետո նորից սովորում է ապրել ու ապրել նորովի: Josh Haner / The New York Times Ահաբեկչությունը տեղի է ունեցել 2013-ի ապրիլի 15-ին Բոստոնի մարաթոնի եզրագծում՝ հանդիսատեսների համար նախատեսված տարածքում: 12 վայրկյան տարբերությամբ 2 պայթյուն է տեղի ունեցել, որի հետևանքով 3 մարդ է զոհվել և ավելի քան 280-ը տուժել: Զոհվածների թվում էր նաև 8-ամյա տղան, որը եզրագծի մոտ հորն էր սպասում: Բոստոնի մարաթոնի եզրագծի մոտ պայթյունի ժամանակ Ջեֆ Բաումը զրկվեց 2 ոտքից: Josh Haner / The New York Times Ջեֆ Բաումը ողջ է մնացել միայն արագ օգնության շնորհիվ, որ ցուցաբերել է հանդիսատեսներից մեկը՝ Կառլոս Արեդոնդոն: Կանգնեցնելու համար ուժգին արյունահոսությունը՝ Կառլոսը ամրակապով կապել էր նրա ազդրերի երիակները և ձեռքերի վրա տարել նրան պարամեդիկների մոտակա բրիգադի մոտ: Josh Haner / The New York Times Ինչպես ավելի վաղ պատմել էր լուսանկարիչը, նա կենտրոնացավ Ջեֆի հետագա կյանքի վրա՝ ցույց տալու համար, թե որքան արմատապես է փոխվում այդպիսի ողբերգություն ապրած մարդկանց առօրյա կյանքը: Հեները Ջեֆի պատմության միջոցով ցույց է տվել, թե որքան ջանք է պետք գործադրել առօրյա կյանքին վերադառնալու համար: Josh Haner / The New York Times Ամերիկացի լուսանկարիչը խոստովանել է, որ ամենաարժեքավորը նախագծի վրա աշխատելիս այն էր, որ պետք էր բնազդաբար հասկանալ, թե որ պահին չի կարելի լուսակարել և հարկավոր է հարգանք դրսևորել ու չխախտել լռությունը լուսանկարչական սարքի չխկոցով: «Դա այն շեմն է, որը չի կարելի անցնել նույնիսկ ամենալավ լուսանկարների համար»,-ասել է Հեները: Պուլիցերյան մրցանակն ամենահեղինակավորն է համարվում ԱՄՆ լրագրության ոլորտում, այն շնորհվում է պատմությունը եզակի ձևով ներկայացնելու և մարդկային զգացմունքները լրատվության մեջ արտացոլելու համար: PanARMENIAN.Net ը պատմում է լուսանկարների մասին, որոնք չեն ստում: Ընթերցեք նաև. Պուլիցերյան լուսանկարներ. «Փոքր մարդու» տառապանքները Հասմիկ Վանցյան / PanARMENIAN.Net  Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը    Ուշադրության կենտրոնում Բաժնի այլ նյութերըՁև ու ծավալ ստացած Ազնավուրյան մեղեդին  Բացվել է քանդակագործ Մկրտիչ Մազմանյանի ինտերակտիվ ցուցահանդեսըԱրվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներովԴեգան, Սարյանն ու Ուրարտուն Մշակութային յուրացում՝ մեծերի թեթև ձեռքով |  Սյուժե Այլ հոդվածներ Վերջին լուրեր Սիմոնյան․ ՀՀ-ում իշխանափոխություն հնարավոր է միայն ԱԺ ընտրություններով, որոնք կկայանան 2026-ին Նա նշել է, որ 2018-ին ՀՀ իշխանությունը ձևավորված չէր ընտրությունների միջոցով և ժողովուրդը վերականգնեց իր ընտրելու իրավունքըԲիզնես գաղափարներ` պատանիներից․ 6-րդ Fastex Meetup-ը կայացել է Fastex Meetup հանդիպումների շարքը շարունակական էԵրևանում քամուց շինությունների տանիքներ, թիթեղյա ծածկեր են վնասվել, կոտրվել են ծառեր Փրկարարներն իրականացրել են կոտրված ծառերի մասնատման, թիթեղների ամրացման և ապամոնտաժման աշխատանքներ |
