Տարվա «ամենալուսնային» միջոցառումը9 պատճառ Absolut Moon Stage-ը բաց չթողնելու համար Հայաստանում էլեկտրոնային երաժշտության սիրահարները այդքան էլ հաճախ չեն ունենում հնարավորություն միջազգային մասշտաբի դիջեյների մեզ մոտ լսելու: Դրա համար կան շատ պատճառներ՝ թե՛ այդ երաժշտության սիրահարների ոչ մեծ քանակը, թե՛ միջազգային հայտնի արտիստների թանկ լինելը, թե՛ երկրում որակյալ միջոցառում կազմակերպելու դժվարությունները և թե՛ մի շարք այլ խոչընդոտներ: 5 հոկտեմբերի 2017 PanARMENIAN.Net - Սակայն այս անգամ, կարծես, բոլոր դժվարությունները հաղթահարված են, և էլեկտրոնային երաժշտության ու որակյալ փարթիների սիրահարներին սպասվելու է տարվա «ամենալուսնային» միջոցառումը: Absolut-ը PAN Media-ի աջակցությամբ կազմակերպում է Absolut Moon Stage-ը, որը տեղի կունենա հոկտեմբերի 14-ին: PanARMENIAN.Net – ը պատմում է՝ ինչով է այս միջոցառումն աննախադեպ, և ինչու այն չի կարելի բաց թողնել: 1. Աննախադեպ լայնափ Արտասահմանյան շատ արտիսներ են նվագել հայաստանյան բեմերում, բայց երբևէ չի եղել, որ ողջ լայնափը կազմված լինի միմիայն միջազգային ճանաչում ունեցող դեմքերից: Absolut Moon Stage-ի հարթակում հավաքվելու է միանգամից 4 հայտնի դիջեյ՝ Viken Arman-ը, Lum-ը, Powel-ը և Jacob Groening-ը, որոնց մի մասն ունեն իրենց լեյբլներն ու կազմակերպում են փառատոններ: Դիջեյների այդ ընտրությունը պայմանավորված է նաև այն կարևոր հանգամանքով, որ նրանք բոլորը նվագել են աշխարհի ամենահայտնի արվեստի փառատոնի՝ Burning Man-ի (որի մասին PAN-ն արդեն պատմել է) գլխավոր բեմերում:
2. Վիկեն Արմանը՝ որպես երաժշտական պրոդյուսեր Միջոցառման առավելություններից է նաև այն, որ ֆրանսահայ հայտնի երաժիշտ Վիկեն Արմանը հանդես է եկել նաև երաժշտական պրոդյուսերի դերում՝ անձամբ ընտրելով դիջեյներին ըստ իրադարձության կոնցեպտի: 3. Live երաժշտություն Absolut Moon Stage-ը տարբերվում է նրանով, որ բոլոր դիջեյները live են նվագելու, այսինքն՝ հանդես են գալու կենդանի կատարմամբ: Դիջեյների՝ տարատեսակ գործիքների միջոցով երաժշտությունը տեղում «հավաքելն» և իմպրովիզ անելը շատ ավելի բարդ է, քան պատրաստի կատարումներից սեթեր հավաքելը: 4. Վայր Միջոցառման անցկացման վայրի ընտրությունը շատ հետաքրքիր է. Absolut Moon Stage-ը կանցկացվի Տերյան 91 հասցեում գտնվող հին տպարանի շենքում, որը չի գործել ԽՍՀՄ-ից ի վեր: Այդ վայրում առաջին անգամ է անցկացվում նման միջոցառում և ընդհանրապես՝ որևէ միջոցառում: 5. Լուսային տեխնիկա Կազմակերպիչները վստահեցնում են, որ միջոցառման համար բերվելու է լավագույն լուսային տեխնիկան, և, ինչն ավելի կարևոր է, հատուկ այդ նպատակով ընտրված լուսային ինժեները տեղում կստեղծի «լուսնային» մթնոլորտ:
6. Surround ձայն Լավ երաժշտությունը բարձր մակարդակով մատուցելու համար առաջնային խնդիր է որակյալ ձայնային տեխնիկան: Ասում են՝ Absolut Moon Stage-ի շրջանակներում բարձրորակ (չշփոթել բարձրաձայնի հետ) ձայն է հնչելու: Կարևոր է, որ ձայնային տեխնիկան բաշխված է լինելու շատ ճիշտ՝ ապահովելով surround sound (տարածական ձայն) և լավ հնչողություն այդ ոչ փոքր տարածքի բոլոր հատվածներում: 7. Շատ մեծ բար հատուկ պատրաստված կոկտեյլներով Դե ի՞նչ մեծ փարթի առանց լավ խմիչքի. Absolut Moon Stage-ի համար հավաքել են բացառիկ մեծ բար՝ շուրջ 40 քառակուսի մետր ալկոհոլ և ոչ միայն: Տեղում աշխատելու են քաղաքի լավագույն բարմենները, պատրաստելու են նաև հատուկ այդ օրվա համար ստեղծված կոկտեյլներ, դե իսկ Absolut-ի մասնակցությունն էլ որոշիչ դեր է խաղալու այս հարցում: 8. Նախնական facecontrol-ով ընտրված մարդիկ Վստահորեն կարելի է ասել, որ Absolut Moon Stage-ին մասնակցելու են միայն ընտրյալները: Տոմսեր և հրավիրատոմսեր ձեռք բերել հնարավոր չէ, մուտքը միայն նախնական facecontrol-ով է՝ գրանցմամբ: Փարթիի բոլոր մասնակիցներին անձամբ ընտրելու են կազմակերպիչները, և «լավ ախպեր», մոտ ընկեր, դիջեյի ծանոթի խնամի, հայտնի մարդու թիկնապահ լինելն այդ դեպքում որոշիչ դեր չի խաղալու և չի բացելու ձեր առջև միջոցառման դռները, ուստի շտապեք գրանցվել, գրանցումը շուտով կավարտվի:
9. Բացառիկ կադրեր PAN Photo-ից Իրադարձությունը բաց չթողնելու ևս մեկ առիթ է PAN Photo-ի կողմից արված բացառիկ լուսանկարներ ունենալու հնարավորությունը: Այդ օրը PAN Photo-ն լուսանկարելու է 50-60-ականների տեխնիկայով, ինչ դեռ չի արել, և փարթիի մասնակիցները հնարավորություն կունենան տարիներ անց՝ նայելով այդ օրվա լուսանկարներին, մտովի վերադառնալ այդ օր և վերապրել «լուսնային» տրամադրությունը: Յուլիաննա Լալաբեկովա / PanARMENIAN.Net Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը Բաժնի այլ նյութերը Ձև ու ծավալ ստացած Ազնավուրյան մեղեդին Բացվել է քանդակագործ Մկրտիչ Մազմանյանի ինտերակտիվ ցուցահանդեսը Արվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներով Դեգան, Սարյանն ու Ուրարտուն Մշակութային յուրացում՝ մեծերի թեթև ձեռքով | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |