Երևանյան ԻտալիանՈրտեղ մայրաքաղաքում փորձել համեղ պաստա Ասում են՝ հայերն ու իտալացիները խառնվածքով շատ նման են՝ կրքոտ, կյանքը սիրող, աղմկոտ և էմոցիոնալ: Դա միակ բանը չէ, ինչ միավորում է այս երկու ազգերը: Թե՛ հայերը, թե՛ իտալացիները սիրում են իտալական պաստան: Հայաստանում վերջին տարիներին է մեծացել սերն առ այդ իտալական ավանդական կերակուր: Մեզ մոտ գրեթե ամեն սրճարանում և ռեստորանում կարելի է պատվիրել պաստա և ստանալ շատ համեղը: 25 հոկտեմբերի 2017 PanARMENIAN.Net - PanARMENIAN.Net –ը ներկայացնում է մայրաքաղաքի այն վայրերը, որտեղ համեղ պաստա են մատուցում: Իհարկե, այդպիսի սրճարաններ ու ռեստորանները շատ են, մենք ընտրել ենք մի քանիսը մեր ճաշակով: Cucina
«Կուչինա» իտալական ռեստորանը, որը գտնվում է Armenia Marriott հյուրանոցի երրորդ հարկում, իզուր չէ, որ համարվում է Երևանի լավագույն իտալական խոհանոց ներկայացնող վայրերից մեկը: Այստեղ կարելի է փորձել ոչ միայն տարատեսակ համեղ պաստաներ, այլև իսկական իտալական պիցցա: «Կուչինայի» առավելություններից է նաև պատուհաններից բացվող գեղեցիկ տեսարանը. այստեղ, համեղ պաստան պատառաքաղի վրա փաթաթելով, կարելի է հետևել Հանրապետության հրապարակի անցուդարձին՝ զգալով քեզ իտալացի Երևանի սրտում: Ի դեպ, ռեստորանը վերջերս վերաբացվեց բոլորովին նոր մենյուով, որում տեղ է գտել իտալական պաստաների էլ ավելի մեծ տեսականի: «Կուչինան» բաց է ամեն օր՝ 12:00-ից մինչև կեսգիշեր: La Piazza
Հայաստանում սիրում են իտալական անվանումներ տալ տարբեր վայրերի, որոնք շատ հաճախ որևէ կապ չունեն Իտալիայի հետ, սակայն սա այդ դեպքը չէ: La Piazza-ում կարելի է հանդիպել մայրաքաղաքի լավագույն իտալական խոհանոցներից մեկը: Պաստաներն ու պիցցաները ևս այստեղ շատ համեղ են: Հյուսիսային պողոտայում գտնվող այս հաճելի սրճարանի, որն ամռանն ունի նաև բացօթյա հատված, առավելություններից է նաև գեղեցիկ մատուցումը. այստեղ բոլոր ուտեստները մատուցվում են Instagram-ի նկար դառնալուն արժանի տեսքով: Ի դեպ, գներն էժան անվանել դժվար է, բայց համեղ պաստայի ու գեղեցիկ ինտերիերի համար արժե վճարել մի քիչ ավել: La Piazza-ն բաց է առավոտյան 9:30-ից մինչ կեսգիշեր: Ai Leoni
Երևանի կենտրոնում՝ Թումանյանի վրա է գտնվում մայրաքաղաքի մեկ այլ լավ իտալական ռեստորան՝ Ai Leoni-ն, որտեղ կարելի է համտեսել իսկական իտալական պաստա և ոչ միայն: Այստեղ էլ է ամռանը գործում բացօթյա հատված: Հաճելի ինտերիերով այս վայրում հոկտեմբերի 20-27 Իտալիայի դեսպանատան կողմից անցկացվում է իտալական որակյալ խոհանոցի շաբաթ, որի շրջանակներում ռեստորանն առաջարկում է հատուկ ճաշացանկ: Ai Leoni-ն նույնպես շատ մատչելիների ցանկում չէ: Այն բաց է առավոտյան 10:00-ից մինչև կեսգիշեր: Epicure
Epicure գաստրոփաբում կարելի է ոչ միայն փորձել համեղ կոկտեյլներ, այլև վայելել հարուստ խոհանոց, որում իր ուրույն տեղն է զբաղեցնում պաստան: Տեսակներն այդքան էլ շատ չեն, բայց բոլորը շատ համեղ են: Ի դեպ, ուրբաթ կամ շաբաթ օրերին փաբում երաժշտությունն ապահովում են քաղաքի սիրված դիջեյները: Epicure-ի այլ առավելություններից է նաև աչքին հաճելի ինտերիերը՝ գեղեցիկ առանձին տարրերով: Ամեն հետաքրքիր բան լուսանկարող մարդիկ այստեղ անելու շատ բան կունենան: Պուշկինի վրա գտնվող այս գաստրոփաբը բացվում է առավոտյան 10:00 և աշխատում մինչև գիշերվա 01:00: Cheesy
Եթե դուք սիրում եք պանիր պանրով պանրային սոուսի մեջ՝ համեմված մեկ այլ պանրով, ապա Cheesy սրճարանը ձեզ համար է: Այստեղ պանիրը դոմինանտ է, ինչպես պարզ է դառնում սրճարանի անվանումից: Cheesy-ում ամեն ինչի մեջ, այդ թվում և պաստայի, կա պանիր: Պանրային պաստաների սիրահարներն այս սրճարանից երջանիկ ու կուշտ կհեռանան, քանի որ չափաբաժիններն էլ փոքր չեն: Ի դեպ, պաստայի հետ նաև առաջարկվում է գինիների լայն տեսականի: Հյուսիսային պողոտայի և Տերյանի խաչմերուկում գտնվող այս հաճելի սրճարանից նաև գեղեցիկ տեսարան է բացվում քաղաքի անցուդարձի վրա: Cheesy-ն բաց է առավոտյան 10:00-ից մինչև կեսգիշեր: Aperitivo
Քաղաքի գրեթե բոլոր երիտասարդների ամենասիրելի սրճարաններից մեկում՝ Aperitivo-ում ևս կարելի է համտեսել պաստաների մի քանի տեսակ: Կասկադում գտնվող այս սրճարանի առավելություններից է նաև այն, որ այստեղ գրեթե բոլոր ուտեստներից կարելի է պատվիրել կես բաժին՝ թե՛ կազմվածքին հետևելու, թե՛ խնայելու, թե՛ ավելի շատ ուտեստներ համտեսելու նկատառումներով: Պաստաները ևս բացառություն չեն: Aperitivo-ն ունի նաև տարբեր երկրներից գինիների լայն ընտրանի, որոնք կարելի է համադրել իտալական պաստայի հետ: Սրճարանն ունի նաև բացօթյա հատված, որտեղ տաք եղանակին շատ աղմկոտ է և ուրախ, իսկ սեղաններն այնքան մոտ են իրար, որ անձնական տարածության մասին կարելի է մոռանալ, սակայն Aperitivo-ի սիրահարներին դրանով չես վախեցնի. այստեղ գալիս են ոչ թանկ ու համեղ ուտելու և օրն ընկերական միջավայրում ավարտելու համար: Սրճարանը քաղաքում ամենավաղ բացվողներից է. եթե վաղ նախաճաշերի սիրահար «արտույտ» եք, ապա կարող եք գալ Կասկադ առավոտյան 07:30-ից, Aperitivo-ն բաց է մինչև 02:00: Յուլիաննա Լալաբեկովա / PanARMENIAN.Net Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին Բաժնի այլ նյութերը Հեպատիտի նոր ենթատեսակը տարածվում է երեխաների շրջանում Ինչ է այն ու ինչպես պայքարել` հայտնի չէ Հայրենիքը՝ հեծանիվի դիմաց Ինչ արժե պետությանը դավաճանելը Յոթ որդու Բավական քույրը Տարեկան քանի՞ աղջիկ չի ծնվում Հայաստանում | ՊՆ. Սուտ է, թե Տավուշի հատվածում Ադրբեջանը կրակել է հայկական դիրքերի ուղղությամբ Նախարարությունը հորդորում է հետևել գերատեսչության պաշտոնական հաղորդագրություններին Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ |