Խաչապուրի bizimdirՎրաստանի տնտեսական կախվածությունն Ադրբեջանից՝ թվերով Վրաստանը վերջին տասնամյակում դարձել է մի շարք թուրք-ադրբեջանական էներգետիկ, տրանսպորտային և բիզնես խոշոր նախագծերի ակտիվ օղակը: Առաջին հայացքից արդյունավետ թվացող այս եռակողմ տնտեսական գործակցությունը լուրջ կախվածության մեջ է գցել Վրաստանին, քանի որ ոչ էներգետիկ պաշարներով, և ոչ էլ աշխարհագրական դիրքով Հայաստանի հյուսիսային հարևանն առավելություններ չունի Ադրբեջանի և Թուրքիայի նկատմամբ: PanARMENIAN.Net ը ներկայացնում է Ադրբեջանի տնտեսական ներկայությունը Վրաստանում՝ թվերով: 12 փետրվարի 2018 PanARMENIAN.Net - Ադրբեջանը՝ Վրաստանի թիվ մեկ ներդրող Վրաստանի ազգային վիճակագրական ծառայության տվյալներով, Ադրբեջանը 2016-ին Վրաստանում ամենաշատ ներդրումներն իրականցրած երկիրն է՝ ընդհանուր ներդրումների մոտ 36%-ը: Երկրորդ տեղում Թուրքիան է՝ 17%-ով, երրորդում Մեծ Բրիտանիան՝ 7%-ով: Ընդ որում, Ադրբեջանը Վրաստանի թիվ մեկն ներդրողն է եղել ոչ միայն 2016-ին՝ $558 մլն, այլ նաև 2015-ին՝ $550 մլն: Ադրբեջանի կատարած ներդրումները Վրաստանում չորս տարում աճել են 8,4 անգամ:
Թուրքիան 2016-ին Վրաստանում կատարել է մոտ $204 մլն-ի ներդրում: Արտահանում, ներմուծում 2017–ին Վրաստանի արտահանման 10%-ը պատկանել է Ադրբեջանին: Փաստացի, Ռուսաստանից հետո, Ադրբեջանը Վրաստանի ամենախոշոր ներկրողն է՝ $272,1 մլն-ով: Թուրքիան երրորդն է $216,5 մլն-ով, Հայաստանը՝ չորրոդը՝ $208,7 մլն-ով:
2017–ին Վրաստանն Ադրբեջանից իրականացրել է $609,7 մլն-ի ներմուծում, ինչը կազմում է երկրի ընդհանուր ներմուծման մոտ 8%-ը: Ադրբեջանը Վրաստանի երրորդ խոշոր արտահանողն է՝ Ռուսաստանից և Չինաստանից հետո: Հայաստանի՝ Վրաստան կատարած արտահանման ծավալը կազմել է $281 մլն, ինչը մոտ 54%-ով քիչ է Ադրբեջանի ցուցանիշից:
SOCAR-ը՝ Վրաստանի խոշոր հարկատու և գործատու 2006 թվականից Վրաստանում իր գործունեությունը սկսած Ադրբեջանի պետական նավթային ընկերություն SOCAR-ին է պատկանում Վրաստանի բենզինի շուկայի 72%-ը, և դիզելային վառելիքի՝ 61%-ը: Ընկերությունը, 2016-ի տվյալներով, Վրաստանում ունի 120 բենզալցակայան և երկրի երեք տասնյակից ավելի գազաբաշխիչ կայանների սեփականատերն է: Այն նաև Վրաստանի թիվ մեկ հարկատուն է: SOCAR Georgia Petrolium-ի կայքի տվյալներով, Վրաստանում ընկերությունը կատարել է մոտ $215 մլն-ի ներդրում: Ընկերությունում աշխատում է մոտ 1500 մարդ: Ադրբեջանը՝ «կապույտ վառելիքի» մենատեր Վրաստանում 2017-ին Ադրբեջանը Վրաստանին մատակակարել է 2,347 մլրդ խորանարդ մետր գազ, ինչը կազմում է Վրաստան ներկրված գազի ծավալի 95,5%-ը: 2018-ին Ադրբեջանից ներմուծվող գազի ծավալը նախատեսվում է հասցնել 2,457 խմ-ի: Ընթացիկ տարում Ադրբեջանը կդառնա Վրաստան ներկրվող գազի 99.6%-ի մատակարարը:
Վրաստանում գրանցված է մոտ 300 ադրբեջանական ընկերություն՝ 7000 աշխատատեղով, Ադրբեջանում գործող վրացական կապիտալով ընկերությունները կազմում են մոտ 110: Վրաստանում ապրող ադրբեջանցիների մոտ 21%-ը գիտի վրացերեն 2016 թվականի տվյալներով, ադրբեջանցիները Վրաստանում ամենախոշոր ազգային փոքրամասնությունն են կազմում: Նրանց թիվը կազմում է 233.000 կամ ընդհանուր բնակչության 6.2%-ը: Հայերի թիվը երկրում կազմում է 168.100 կամ ընդհանուր բնակչության 4.5%-ը: Ըստ Վրաստանի ազգային վիճակագրական ծառայության տվյալների՝ Վրաստանում ապրող ադրբեջանցիների մոտ 21%-ն է խոսում վրացերեն: Իսկ ադրբեջանցիների 97,6%-ն ամուսնացած է ադրբեջանցու հետ: Նանե Մանասյան / PanARMENIAN.Net Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | Թորոսյան. Ուզում են առանց ընտրությունների իշխանություն վերցնել Նա նշել է նաև, որ խոսքի և հավաքների ազատության իրավունքը կարող է իրացվել նաև ընդդեմ իշխանությունների Հայտարարություն․ Բագրատ սրբազանը ներկայացված է միայն Facebook-ում և բացառապես իր անձնական էջով Նշվում է, որ նրա անունից բացվող որևէ էջ կապ չունի ոչ շարժման, ոչ էլ սրբազանի հետ Միրզոյանը պաշտոնական այցով կայցելի Հունգարիա Նա հանդիպումներ կունենա Հունգարիայի բարձրաստիճան պաշտոնյաների հետ Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել |