 Riceիստական սկանդալՀայերին զրկում են մրցանակից բրնձի «վիրավորական» փաթեթի պատճառով Հայկական Backbone Branding-ը հայտնվել է ռասիզմի մեջ մեղադրանքների կիզակետում: Ընկերությունը, որը հայտնի է նաև ՀՀ սահմաններից դուրս ապրանքների համար փաթեթավորման կրեատիվ լուծումներով, որոնք հեղինակավոր բազմաթիվ մրցաբաշխություններում մրցութային տեղեր են զբաղեցրել, խնդիր է ունեցել իր հերթական տարբերվող փաթեթավորման դիզայնի պատճառով:  24 հունիսի 2020PanARMENIAN.Net - Ինչպես PanARMENIAN.Net ին պատմեց ընկերության հիմնադիր Ստեփան Ազարյանը, Backbone Branding-ը մշակել էր փաթեթավորում բրնձի Riceman տեղական բրենդի համար՝ ասիացի մարդկանց գլուխների տեսքով: Այդ փաթեթավորումը 2019-ին հաղթող էր ճանաչվել Pentawards հեղինակավոր մրցույթում, իսկ բոլորովին վերջերս երկրորդ տեղն էր գրավել Dieline փաթեթավորման դիզայնի միջազգային մրցույթում: «Վերջերս բոլորովին պատահաբար մեր աշխատակիցներից մեկը Twitter-ում Dieline-ի էջում հանդիպում է Riceman-ի շուրջ ծավալվող քննարկմանը, որտեղ որոշ օգտատերեր որակում են փաթեթավորման դիզայնը ռասիստական: Մրցույթի կազմակերպիչն էլ ներողություն է խնդրում, նշում, թե սխալմունք է եղել, ասում, որ մեր տիտղոսը չեղյալ կհայտարարեն: Եվ այդ ամենը կատարվում է թվիթերյան մեկնաբանությունների մակարդակով», - նշեց Ազարյանը: Նրա խոսքով՝ Dieline-ից, սակայն, իրենց տեղյակ չեն պահում, և որոշ ժամանակ անց իրենք են դիմում մրցույթի ներկայացուցիչներին՝ պահանջելով պարզաբանում: Backbone-ին պատասխանում են, որ իրենց զրկել են մրցանակից, սակայն հրաժարվում են հանրային կերպով հայտարարել այդ մասին: «Մեզ քննադատող թվիթերյան քննարկումը սկսել են ասիացիներ, բայց մեր ուսումնասիրությունները ցույց են տալիս, որ ամերիկաբնակ ասիացիներ են: Մենք կապ հաստատեցինք մեր գործընկերների հետ տարբեր երկրներում, հարցրինք նրանց կարծիքը. Եվրոպայից մինչև Չինաստան ոչ մեկ ռասիզմ չտեսավ սրա մեջ: Նաև հարցումների մակարդակով ենք փորձել կարծիքներ ստանալ, էլի այդ տարածաշրջանից ռասիզմի մասին կարծիքներ չհնչեցին: Եվ իրականում մեր նախագիծը կապ չունի ռասիզմի հետ, հակառակը. այն իրականացվել է որպես հարգանքի տուրք ասիացի այն ֆերմերներին, որոնց ծանր աշխատանքն ու նվիրվածությունը ոգեշնչել են մեզ», - պատմեց ընկերության հիմնադիրը: Ազարյանը նշեց, որ ընկերության ինստագրամյան էջում ևս քննարկում է ծավալվել թեմայի շուրջ, կարծիքները կիսվել են. ըստ իրենց դիտարկումների՝ գաղափարի մեջ ռասիզմ են տեսնում հիմնականում ամերիկաբնակ ասիացիները, իսկ չինացիներն առավելապես դրական են ընդունում: «Հակված եմ մտածելու, որ մրցույթի ղեկավարությունը վախեցել է, որ գուցե ամբողջ աշխարհում ռասիզմի թեմայի բուռն քննարկումների ֆոնին իրենց վրա ցեխ շպրտեն, և փորձել է ապահովագրել իրեն: Բայց մեզ ավելի շատ վախեցնում է երևույթը, որ այսպիսի բաներով փորձում են լռեցնել ու սահմանափակել մշակույթը, ստեղծագործականը: Այժմ արդեն չենք կարող ազատությամբ ու համարձակությամբ անել դիզայն, որովհետև գուցե ամերիկացիները կամ ուրիշները խնդիր տեսնեն», - մտահոգություն հայտնեց Ազարյանը: Նրա խոսքով՝ Backbone Branding-ը չի լռելու և պահանջելու է մրցույթի ղեկավարությունից պաշտոնական հայտարարություն տիտղոսից իրենց զրկելու վերաբերյալ: Յուլիաննա Լալաբեկովա / PanARMENIAN.Net  Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին    Ուշադրության կենտրոնում Բաժնի այլ նյութերըՀեպատիտի նոր ենթատեսակը տարածվում է երեխաների շրջանում  Ինչ է այն ու ինչպես պայքարել` հայտնի չէՀայրենիքը՝ հեծանիվի դիմաց Ինչ արժե պետությանը դավաճանելըՅոթ որդու Բավական քույրը Տարեկան քանի՞ աղջիկ չի ծնվում Հայաստանում |  Այլ հոդվածներ Վերջին լուրեր Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև»ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսինԱդրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում ենՎարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |
