Արայիկ Միրզոյանը դարձավ ծանրամարտի Եվրոպայի չեմպիոն

PanARMENIAN.Net - Բռնցքամարտ. Արթուր Աբրահամն ու նրա թիմն արդեն ժամանել են Հելսինկի, որտեղ նա նոյեմբերի 3-ին Super Six մրցաշարի երրորդ շրջանում Hartwall Areena-ում կմենամարտի բրիտանացի Կարլ Ֆրոչի հետ: Մենամարտի հաղթողը կստանա WBC գոտին:

Աբրահամը նշել է, որ Հելսինկիում շատ ցուրտ է, սակայն նրան դուր է գալիս այնտեղ: «Մենք նախապատրաստվել ենք ցուրտ եղանակին: Ես կկարողանամ հաղթել Ֆրոչին ու հասնել իմ նպատակին՝ ստանալով նաև WBC գոտին»,- ասել է Աբրահամը: Ֆրոչը նույնպես իր ուրախությունն է հայտնել, որ գտնվում է Հելսինկիում: «Յուրաքանչյուր մենամարտի ժամանակ ես ռինգ եմ դուրս գալիս հաղթելու համար: Ես ամեն ինչ կանեմ, որպեսզի վերցնեմ WBC գոտին, նույնիսկ եթե ստիպված լինեմ նրա ողերը ջարդել»,-ասել է Ֆրոչը:

Մենամարտը տեղի կունենա նոյեմբերի 27-ին Հելսինկիում Super Six մրցաշարի երրորդ փուլի շրջանակներում: Ուլի Վեգները` IBF վարկածով նախկին չեմպիոն Արթուր Աբրահամի մարզիչը, կարծում է, որ երկրորդ միջին քաշային կարգում WBC վարկածով չեմպիոն բրիտանացի Կարլ Ֆրոչի դեմ մենամարտը կդառնա երկու կամային բռնցքամարտիկների պայքար: Վեգները կարծում է, որը այս մենամարտում հաղթելու է նա, ով ավելի շատ է ցանկանում հաղթել. «Բրիտանացին դեռ չի գիտակցում, թե որքան ուժեղ է Աբրահամի հարվածը»:

Շախմատ. Գրոսմայստեր Զավեն Անդրիասյանը, որը նոյեմբերի 16-ին դարձավ ՌԴ Գավաթի գավաթակիր, PanARMENIAN.Net ի թղթակցի հետ զրույցում ասաց, որ այդ հաղթանակը շատ կարևոր էր նրա համար: Շախմատիստի խոսքերով առաջին օրը ծանր էր իր համար, քանի որ Սանկտ Պետերբուրգից Բելգորոդ նա մեկնեց գրանցքով և պատրաստվելու ժամանակ չէր ունեցել: «Սակայն ինձ հետ էր նաև իմ հիմնական մրցակից Պավել Պոնկրատրովը, այնպես որ մենք հավասար պայմաններում էինք: Սակայն ես կարողացա հաղթել»,-ասել է գրոսմայստերը:

Անդրիասյանը նշել է, որ դժվար էին նաև վերջին պարտիաները Արտյոմ Տիմոֆեևի հետ: «Առաջին խաղն ավարտվեց ոչ ոքի: Իմ մրցակիցը լավ դիրք ուներ, սակայն արդեն երկրորդ խաղում ես մեծ առավելություն ստացա ու կարողացա հաղթել»: Մինչև տարեվերջ շախմատիստը կմասնակցի Եվրոպայի արագ և կայծակնային շախմատի առաջնություններին (դեկտեմբերի 18-19-ին) և Հոլանդիայի միջազգային մրցաշարին (դեկտեմբերի 20-30):

Հայաստանի շախմատի պատանեկան (մինչև 16 տարեկանների) հավաքականը նոյեմբերի 26-ից դեկտեմբերի 5-ը թուրքական Բուրդուր քաղաքում կմասնակցի Համաշխարհային շախմատային օլիմպիադային:

Հայաստանի հավաքականի կազմում ելույթ կունենան Կարեն Գրիգորյանը, Ռոբերտ Աղասարյանը, Հովհաննես Գաբուզյանը, Դավիթ Շահինյանն ու Տիգրան Պետրոսյանը, հավաքականը կգլխավորի Արսեն Եղիազարյանը:

Ձյուդո. Նոյեմբերի 22-ին Աբու Դաբիում (ԱՄԷ) մեկնարկում է ձյուդոյի Գրան պրին: Գրան պրին վարկանիշային է, և նրանում խաղարկվում են Լոնդոնի օլիմպիական խաղերի ուղեգրեր: Մրցաշարի մրցանակային ֆոնդը կազմում է 200 հազար դոլար և ավարտվելու է նոյեմբերի 24-ին:

Հայաստանն այս կարևոր մրցաշարում ներկայացնում են երեք ձյուդոիստներ. 2009-ի ԱԱ բրոնզե մեդալակիր Հովհաննես Դավթյանը (60 ք /կ), 2010-ի աշխարհի գավաթակիր Արմեն Նազարյանը (66 ք /կ) և Համբարձում Տոնոյանը (66 ք /կ):

Ըմբշամարտ. Նոյեմբերի 25-27-ին Ֆրանսիայում տեղի կունենա հունահռոմեական ըմբշամարտի միջազգային մրցաշար: Մրցաշարին կմասնակցի նաև Հայաստանի հավաքականը օլիմպիական չեմպիոն Լևոն Ջուլֆալակյանի գլխավորությամբ: ՙ Ինչպես PanARMENIAN.Net ի թղթակցի հետ զրույցում հայտարարել է գլխավոր մարզիչը, «հավաքականը ուսումնամարզական հավաք է անցկացրել և մեր մարզիկները լավ մարզաձևում են: Կմասնակցեն նաև երիտասարդ ըմբիշներ»,-ասել է Ջուլֆալակյանը:

Ֆրանսիա կմեկնեն Ալեքսան Միքայելյանը, Արտակ Հարությունյանը (60 կգ ք/կ), Հովհաննես Վարդանյան (66 կգ ք/կ), Վարշամ Բորանյանը (74 կգ ք/կ), Արթուր Ալեքսանյանն ու Արման Պապյանը (96 կգ ք/կ):

Թենիս. Արգենտինահայ թենիսիստ Դավիթ Նալբանդյանը ստացել է Konex de Platino մրցանակը վերջին 10 տարում Արգենտինայում թենիսի զարգացման համար: Konex հիմնադրամի մրցանակները հանձնվում են արգենտինացի մարզիկներին 20 տարբեր մարզաձևերում: Յուրաքանչյուր մարզաձևում ընտրվում է 5 հավակնորդ: Թենիսում Նալբանդյանից բացի, ներկայացվել էին Գիլյերմո Կորիան, Գաստոն Գաուդիոն, Խուան Մարտին դել Պոտրոն և Պաոլա Սուարեսը: Նրանք բոլորը ստացան Diploma al Mérito դիպլոմներ, իսկ հաղթող ճանաչվեց Նալբանդյանը:

«Շատ շնորհակալ եմ Konex հիմնադրամին այս պարգևի համար: Այս մրցանակը ես նվիրում եմ իմ ընտանիքին, որը սատարել է ինձ իմ ողջ կարիերայի ընթացքում»,-ասել է թենիսիստը:

Սամբո. Հայաստանի սամբոյի ֆեդերացիան հրապարակել է 2010 թվականի մարզիկների, մարզիչների և մրցավարների լավագույն տասնյակները:

Լավագույն մարզիկներ են ճանաչվել աշխարհի չեմպիոն, Եվրոպայի չեմպիոն, աշխարհի գավաթի փուլային մրցաշարի հաղթող Աշոտ Դանիելյանը (ք. Ստեփանակերտ), աշխարհի չեմպիոն, Եվրոպայի առաջնության արծաթե մեդալակիր Վաչիկ Վարդանյանը (ք.Եղվարդ) և Եվրոպայի երիտասարդական առաջնության չեմպիոն, Եվրոպայի առաջնության բրոնզե մեդալակիր Տիգրան Կիրակոսյանը (ԲԿՄԱ):

Լավագույն մարզիչներ են ճանչվել ՀՀ վաստակավոր մարզիչ Էռնեստ Միրզոյանը (ք. Ստեփանակերտ), ՀՀ վաստակավոր մարզիչ Սամվել Ավդալյան (ք. Եղվարդ), ԽՍՀՄ և ՀՀ վաստակավոր մարզիչ Գուրգեն Սևոյան (ք. Գյումրի):