2010թ. Հայաստանի ՏՏ ոլորտում գրանցվել է 15 տոկոս աճ, սակայն պետական ֆինանսավորումը նախկին մակարդակում է

PanARMENIAN.Net - 2010 թվականին Հայաստանում կապի և տեղեկատվական տեխնոլոգիաների ոլորտում շահույթը կազմել է 192,5 մլրդ դրամ: Այդ մասին հաղորդում է Հայաստանի Ազգային վիճակագրական ծառայությունը: 2009 թվականի համեմատ շահույթի աճը կազմել է 103%: Շահույթի առյուծի բաժինն ընկնում է հեռահաղորդակցության ծառայությունների մատուցմանը` ավելի քան 159 մլրդ դրամ, ևս 20 մլրդ դրամ է կազմում շահույթը ՏՏ ոլորտում մատուցված ծառայություններից: Դրա հետ մեկտեղ ավելի քան 11 մլրդ դրամ է կազմել շահույթն առևտրից և 1,9 մլրդ դրամ կազմել է տեխնոլոգիաների և հեռահաղորդակցության ոլորտում արտադրության բաժինը:

Հայաստանի բնակչության մեկ քառորդը օգտվում է համակարգիչներից: Այդպիսի տվյալներ են գրանցվել «Ձեռնարկությունների ինկուբատոր» հիմնադրամի հետազոտության արդյունքում, որը կհրապարակվի առաջիկայում: Ինչպես PanARMENIAN.Net ի թղթակցի հետ զրույցում ասել է հիմնադրամի տնօրեն Բագրատ Ենգիբարյանը, Հայաստանում համակարգիչներից օգտվողների թվի աճը 2009-ի համեմատ կազմել է 5-10 տոկոս: Ըստ Ենգիբարյանի, համակարգիչներից օգտվողների աճի վրա ազդել է »Համակարգիչ բոլորի համար» պետական ծրագիրը, որի փորձնական մեկնարկը տեղի ունեցավ 2009թ. ավարտից մինչև 2010թ. ավարտը: Ծրագրի լայնածավալ իրացումը մեկնարկել է 2010թ. դեկտեմբերի 8-ին, իսկ 2011թ. նրա իրականացման համար Կայունացման հիմնադրամից հատկացվել է 1 մլրդ դրամ:

ՏՏ ոլորտում Հայ-հնդկական գերազանցության կենտրոնի շենքը նախատեսվում է շահագործման հանձնել ընթացիկ տարվա սեպտեմբեր-հոկտեմբերին: Ինչպես ասել է PanARMENIAN.Net ի թղթակցի հետ զրույցում «Ձեռնարկությունների ինկուբատոր» հիմնադրամի տնօրեն Բագրատ Ենգիբարյանը, շուտով հայտարարվելու է 300 քմ տարածքով շենքի շինարարության մրցույթը: Անցյալ տարվա վերջին ավարտվել են կենտրոնի շենքի նախագծային-շինարարական աշխատանքները, որը կլինի ԵՊՀ տարածքում:

«Այնուամենայնիվ, մենք չենք սպասի շինարարության ավարտին, և կշարունակենք սեմինարներ անցկացնել. մենք արդեն կազմակերպել ենք 3 թրենինգ»,- ասել է նա: Նա նաև նշել է, որ Հնդկաստանում վերապատրաստում են անցել ՏՏ 3 մասնագետներ, և դեռ 5 մասնագետ վերադառնալու են մարտին: Նա նաև հաղորդել է, որ հնդկական կողմն արդեն Հայաստան է բերել ավելի քան 6 հազար լիցենզիոն գրականություն և սարքավորումներ, որոնք անցնում են մաքսային ձևակերպումներ: Նախատեսվում է, որ կենտրոնում դասավանդելու են ինչպես հայ, այնպես էլ հնդիկ մասնագետներ:

Հունվարի 28-ին Հնդկաստանի Հայդարաբադ քաղաքում տեղի ունեցավ Սինոփսիս ընկերության եվ Հայդարաբադի Ջավահարլալ Ներուի տեխնոլոգիական համալսարանի (Jawaharlal Nehru Technological University (JNTU) Hyderabad) միջեվ երկարաժամկետ համագործակցության համաձայնագրի ստորագրման հանդիսավոր արարողությունը Հայդարաբադի JNTU-ում գերմեծ ինտեգրալ սխեմաների ճարտարագիտության մասնագիտությամբ միկրոէլեկտրոնիկայի ծրագիր հիմնելու մասին: Ինչպես հայտնել են Սինոփսիս Արմենիայի մամլո ծառայությունում, ծրագրի շրջանակներում Սինոփսիսը Հայդարաբադի JNTU-ին նվիրում է գերժամանակակից կրթական միջավայր, որը համալսարանական ուսանողներին հնարավորություն է տալիս օգտվել Սինոփսիսի համապարփակ, արտադրությունում առաջատար անալոգային, թվային և ներկառուցված էլեկտրոնային նախագծման ավտոմատացման ծրագրային ապահովման համակարգից, որը ներառում է նախագծման ուսումնական հավաքածու (EDK) և համադրելի տեխնոլոգիական գործընթացի նախագծման հավաքածու (iPDK): Ծրագիրը հնարավորություն է տալիս օգտվել նաև համապատասխանեցված ուսումնական ծրագրից, որը մշակվել է Սինոփսիս Արմենիայի ուսումնական դեպարտամենտում՝ Սինոփսիսի համաշխարհային համալսարանական ծրագրի շրջանակներում և բակալավրի և մագիստրոսի ծրագրերի իրականացման համար անհրաժեշտ խորհրդատվությունից:

Լեհական Polish Security Printing Works ընկերությունը և ֆրանսիական Oberthur կազմակերպությունը դարձել են Հայաստանում կենսաչափական անձնագրեր պատրաստելու մրցույթի հաղթող: Այդ մասին PanARMENIAN.Net ի թղթակցի հետ զրույցում ասել է Հայաստանի Պետգնումների գործակալության հասարակայնության հետ կապերի բաժնի պատասխանատու Վասակ Թարփոշյանը: Նրա խոսքերով, ընկերություններն ընտրվել են երկու ձևաչափերով: Լեհական ընկերությունը նախագիծը գնահատել է 4 մլն 300 հազար եվրո, ընդ որում այդ գումարը պետք է վճարվի միանվագ: Միաժամանակ, ֆրանսիական Oberthur-ը կարծում է, որ նախագիծը կարժենա 22 մլն 500 հազար դոլար, որը կարող է վճարվել 5 տարվա ընթացքում: Լեհական Polish Security Printing Works-ի և ֆրնասիական Oberthur-ի նախագծերի քննարկումից հետո Հայաստանի կառավարությունը կկայացնի վերջնական որոշում:

IP հեռախոսակապով (VoIP) ելքային միջազգային զանգերի արգելումը, որն ընդունվեց Հայաստանի Հանրային ծառայությունների կարգավորման հանձնաժողովի կողմից, կօգնի պաշտպանելու կապի փրովայդերներին խարդախություններից: Այդ մասին PanARMENIAN.Net ի թղթակցի հետ զրույցում հաղորդեց «ԱրմենՏել» ընկերության հասարակայնության հետ կապի ծառայության ղեկավար Անուշ Բեղլոյանը: Նրա կարծիքով` այս որոշումը մի կողմից անվտանգություն կապահովի ինքնին փրովայդերների համար, որոնք տուժում են հաքերների գործողություններից և ստիպված են վճարել անօրինական միջազգային զանգերի համար: Մյուս կողմից կպաշտպանի «ԱրմենՏելին» անբարեխիղճ փրովայդերներից, որոնք կապի ալիքներ են վարձում օպերատորից: Այդպես, Անուշ Բեղլոյանի խոսքով, 2010 թվականի ընթացքում ՀԾԿՀ-ը 2 փրովայդերի է տուգանել զանգերի անօրինական տերմինացիայի համար: «Նրանք զանգեր էին կատարում` շրջանցելով «ԱրմենՏել» բիլլինգային համակարգը կամ էլ զանգերը գրանցվում էին որպես տեղական, իսկ իրականում միջազգային հեռախոսազանգեր էին կատարվում: դրանով նրանք վնաս էին հասցնում ընկերությանը»,- նշել է նա: Հունվարի 26-ին ՀԾԿՀ-ն որոշում ընդունեց, որի համաձայն հեռախոսակապի IP տեխնոլոգիայով (Ինտերնետի միջոցով) միջազգային զանգեր իրականացնող փրովայդերների համարներից անհնար կլինի ելքային զանգեր կատարել: Բացառություն կարող են կազմել այն ընկերությունները, որոնք Հանձնաժողովին կհամոզեն, որ այդ արգելքն ազդում է իրենց գործունեության վրա: ՀԾԿՀ-ն IP հեռախոսակապի ծառայությունների մատուցելու լիցենզիա է տրամադրել մոտ 60 հայկական փրովայդերների:

Հայաստանի և Արցախի ավելի քան 20 թանգարաններ և մշակութային կենտրոններ Armenia Fund USA-ից նվեր են ստացել նոութբուքեր: Ինչպես հաղորդում է «Հայաստան» համահայկական հիմնադրամը, համակարգիչներ են հատկացվել բանաստեղծներ Հովհաննես Շիրազի և Ավետիք Իսհակյանի, դերասան Մհեր Մկրտչյանի, գրողներ Պերճ Պռոշյանի, Ակսել Բակունցի տուն-թանգարաններին, Մարտունիի, Հրազդանի, Ջերմուկի և Էջմիածնի պատկերասրահներին և այլն: Համակարգիչները հագեցած են «5 մեկում» թվային մեդիա սարքավորումներով, Genuine Windows 7 օպերացիոն համակարգով: Armenia Fund USA-ն հիմնվել է 1992-ին և «Հայաստան» հիմնադրամի 20 ստորաբաժանումներից մեկն է:

Հայոց ցեղասպանության մասին պատմող «Հայկական հուշարձան» iPhone-ի անվճար հավելվածը ստեղծել է 30-ամյա ամերիկացի Ալեքս Նիսանյանը: Ինչպես գրում է Azbarez.com-ը, հավելվածը հիմնված է չորս բաղադրիչի վրա. Ծիծեռնակաբերդի հավերժական կրակի անիմացիոն պատկերը, 1915-23թթ. Հայոց ցեղասպանության մասին պատմող պատմության բաժինը, որը կարելի է տարածել տարբեր սոցիալական ցանցերում: Հավելվածի միջոցով կարելի է ինքնուրույն նորություններ ավելացնել: Հավելվածն ունի նաև երաժշտական բաղադրիչ, որը ստեղծել է DJ Bei-Ru-ն դուդուկի օգտագործմամբ:

Հեղինակին աջակցություն է հարկավոր վճարելու համար ծրագրավորողներին և հավելվածն անվճար տարածելու համար: Նիսանյանի նախագիծը հաղթող է ճանաչվել նախագծերի ֆինանսավորման Kickstarter.com կայքում: Նիսանյանը նաև Apple iPhone-ի համար նախատեսված երեք հավելվածների հեղինակ է: Մանրամասները զետեղված են www.armenianmonument.com կայքում:

Western Diocese հավելվածը, որ նվիրված է ՀԱԵ ԱՄՆ Արևմտյան ափի գործունեությանը, հասանելի է մեդիաբովանդակության խոշորագույն iTunes Store օնլայն-խանութում: Ծրագրի շնորհիվ, iPhone, iPod touch и iPad-ից օգտվողների համար մատչելի են ՀԱԵ վերաբերյալ կրթական հաղորդումներն ու տեսանյութերը: Հավելվածը կարելի է ներբեռնել անվճար iTunes Store կայքից: