   Հայաստանի ազգային հավաքականը դեռևս շանս ունի EURO-2012-ի եզրափակիչ փուլ դուրս գալու համարԴրա համար կան բոլոր անհրաժեշտ բաղադրիչները` երիտասարդ և հաղթանակի ձգտող ֆուտբոլիստներ, տաղանդավոր մարզիչ և հազարավոր երկրպագուների աջակցություն Երկար սպասված Հայաստան-Ռուսաստան խաղը, որը երկու թիմերի համար առաջին պաշտոնական խաղն էր 6 ամիսների ընթացքում, ավարտվեց գոլազուրկ ոչ ոքիով:  2 ապրիլի 2011PanARMENIAN.Net - Ռուսական հավաքականը Երևան ժամանեց որպես EURO-2012-ի B խմբի միանձնյա առաջատար և ֆավորիտ: Հայերը գոլ չխփեցին, բայց միևնույն ժամանակ իրենց դարպասներն անառիկ պահեցին: Հավաքականները վաստակեցին մեկական միավոր, բայց դա, անկասկած, այն դեպքն է, երբ, հավանաբար, նրանք կորցրեցին երկու միավոր: Խաղից հետո կայացած մամլո ասուլիսում Ռուսաստանի հավաքականի գլխավոր մարզիչ Դիկ Ադվոկատը հանգիստ էր և ընդգծեց, որ ոչ ոքին նորմալ հաշիվ է, և արդեն 4 արտագնա խաղերից երեքում նրա թիմը հաջող է հանդես եկել: Բայց նա դժգոհ էր իր սաների խաղից, քանի որ նրանք չկարողացան օգտագործել գոլային պահերը, որոնք ստեղծեցին Ռոման Բերեզովսկու դարպասների մոտ: Հայաստանի հավաքականի գլխավոր մարզիչ Վարդան Մինասյանը, ում թիմը հասավ ամենալավ արդյունքին հավաքականի ողջ պատմության ընթացքում, հերթական անգամ նշեց, որ իր սաների համար գլխավորը գեղեցիկ ֆուտբոլ ցույց տալն է` միաժամանակ արդյունքի հասնելով: Նա նշել է, որ հայ ֆուտբոլիստների խաղի որակը ռուսների հետ խաղում այնպիսին չէր, ինչպիսին բոլորը սովոր էին այն տեսնել: «Խաղից հետո ես շնորհակալություն հայտնեցի խաղացողներին լավ խաղի և կայուն բնավորության համար»,- ասաց Մինասյանը: Եվրոպայի առաջնության ընտրական փուլի B խմբում իրավիճակը շարունակում է ծայրահեղ բարդ և խճճված մնալ: Ռուսաստանի հավաքականի անհաջողությունից օգտվեց Սլովակիայի հավաքականը, որը, նվազագույն հաշվով հաղթելով Անդորրայի հավաքականին, որին Երևանին հայ ֆուտբոլիստները ջախջախիչ պարտության մատնեցին 4:0 հաշվով, խմբում զբաղեցնում է առաջին տեղը: Բայց Ռուսաստանի և Իռլանդիայի հավաքականները նույնպես իրենց հաշվին ունեն 10-ական միավոր և զբաղեցնում են 2-րդ և 3-րդ տեղերը: Վարդան Մինասյանի սաները շարունակում են պահպանել ԵԱ խմբային արգելքը հաղթահարելու շանսը: Հայաստանի և Ռուսաստանի հավաքականների միջև պատասխան խաղը, որը տեղի է ունենալու հունիսի 4-ին Սանկտ Պետերբուրգում, նույնպես առանցքային է լինելու երկու թիմերի համար: Ռուսաստանը ձգտում է հայտնվել ուժեղ հավաքականների հետ առաջին զամբյուղում և դրա համար նա պետք է պարտության մատնի Հայաստանի հավաքականին: Իսկ Հայաստանի հավաքականը19 տարվա մեջ առաջին անգամ ունի ԵԱ եզրափակիչ փուլ դուրս գալու ուղագրի համար պայքարելու շանս, և դրա համար կան բոլոր անհրաժեշտ բաղադրիչները` երիտասարդ և հաղթանակի ձգտող ֆուտբոլիստներ, տաղանդավոր մարզիչ և բազմահազար երկրպագուների աջակցություն աշխարհի տարբեր ծագերից: Հասմիկ Բաբայան, Գոհար Նալբանդյան / PanARMENIAN News  Ամենաընթերցվողը բաժնում Մասնագետը՝ առողջ ապրելակերպի մասին Ինչու են կանայք ընտրում ֆիթնես և բոդիբիլդինգ Լավագույն app-երը՝ առավել զգուշավորների այլընտրանք Ինչպես են մարզասրահները և մարզվողները «ֆորմի մեջ» մնում    Ուշադրության կենտրոնում Բաժնի այլ նյութերըEasy ֆուտբոլ՝ մեծ էկրանին  Դարձիր «12-րդ խաղացող» Անգլիական այգում, երկրպագիր մերոնց մաքուր օդինՈւղին անվանում է առաջնամագլցողը Հարմարավետության գոտուց դուրս, քաղաքային աղմուկից հեռուԲրազիլական ջիու-ջիցուն Հայաստանում Գետնի վրա մենամարտել իմացողն առավելություն ունի |  Այլ հոդվածներ Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
