Կարծես ժամանակի ընթացքում խռիկներ են աճել, ու առանց ջրի չեմ կարողանում

Պեկինի Օլիմպիական խաղերում շատ լավ արդյունք եմ գրանցել, լավ էի պատրաստվել ու բարելավեցի Հայաստանի ռեկորդը, որը դեռ ԽՍՀՄ տարիներին էր սահմանվել: Պեկինում էլ wild card-ով էի մասնակցել, և այս անգամ էլ լողի միջազգային ֆեդերացիան ինձ հնարավորություն տվեց մասնակցել Օլիմպիական խաղերին: 2011 թվականին Շանհայում կայացած աշխարհի առաջնությանը լավ արդյունք էի ցույց տվել ու այն հիմք ընդունելով` ինձ wild card շնորհվեց, ինչի համար շատ ուրախ եմ:

2011 թվականին Մոսկվայում աշխարհի գավաթին եմ մասնակցել, դրանից հետո Հայաստանի առաջնությանն եմ ելույթ ունեցել և շատ լրջորեն պատրաստվել եմ խաղերին` դեռ չիմանալով հնարավորություն կունենամ մեկնել, թե ոչ:

Լավագույն արդյունքը Պեկինի Օլիմպիական խաղերում է եղել`51.89 վրկ:

Իմ հիմնական ձևը ազատ ոճն է, նաև ուժեղ եմ բատերֆլյայից և համալիր լողից: Բայց իմ սիրած ձևը կրոլն է, այն թագավորական ձև է համարվում:

Այն օրից սկսած, երբ սկսել եմ լողով մարզվել, միշտ երազել եմ մասնակցել Օլիմպիական խաղերի: 2000 թվականին ես հավակնում էի մեկնել Սիդնեյի Օլիմպիադա, այնտեղ ընկերս գնաց, 2004-ին կրկին թեկնածու էի, որ մեկնեմ Աթենք, բայց այդ ժամանակ համալսարանն ավարտել էի ու ինձ բանակ տարան, և վերջապես 2008-ին երազանքս կատարվեց, շատ ուրախ էի այդ ժամանակ: Բոլոր մարզիկների համար էլ մեծ հաջողություն է Օլիմպիական խաղերին մասնակցելը:

Բոլոր մարզիկներն էլ օլիմպիական ցիկլով են պարապում: Ես էլ այդպես եմ պատրաստվել: Լոնդոնի խաղերից առաջ էլ շատ լավ եմ պատրաստվել ու ցանկանում եմ կրկին իմ լավագույն արդյունքը ցույց տալ: Պետք է շատ աշխատել ու միշտ ձգտել քո նպատակին:

Ես կարծում եմ ավստրալացի 21-ամյա Ջեյմս Մագնուսենն է, նա մի քանի ամիս առաջ Ավստրալիայի բաց առաջնությունում այս մրցաշրջանի լավագույն արդյունքն է ցույց տվել, ինչը խոսում է այն մասին, որ այդ մարզիկը շատ լավ պատրաստ է և Լոնդոնում պայքարելու է հաղթանակի համար: Էլի շատ լավ լողորդներ կան, որոնց ցույց տված արդյունքները շատ մոտ են իրար, և ով այդ պահին ավելի լավ պատրաստ կլինի, նա էլ կհաղթի:

Առաջին խնդիրը մարզադպրոցների բացակայությունն է Հայաստանում: Հիմա ծնողները իրենց գրպանից պետք է վճարեն, որ իրենց երեխան հաճախի լողի: Չնայած դրան` լողով զբաղվողների թիվը զգալիորեն մեծացել է, և հուսամ, որ ավելի շատ լավ լողորդներ կլինեն:

Այո, ես երբեք չեմ վարձատրվել, պարզապես շատ եմ սիրում լողը: Այնպիսի տպավորություն է, որ այսքան տարիների ընթացքում խռիկներ են աճել ու առանց ջրի չեմ կարողանում: Եթե մի քանի օր չեմ լողում, թվում է` խռիկները չորացել են: Ջուրը անընդհատ ձգում է ինձ:

Լողով սկսել եմ զբաղվել 6 տարեկանից, սակայն «մութ ու ցուրտ» տարիներին ստիպված եմ եղել թողնել մարզումները: 1995 թվականից զբաղվել եմ ջրագնդակով և ավելի պրոֆեսիոնալ մակարդակով լողի մարզումները շարունակել եմ 1998 թվականից:

Լավ արդյունքներ ցույց տալու համար լավ պայմաններ են պետք, առաջին հերթին` օլիմպիական չափանիշներին համապատասխան լողավազան: Հայաստանում այդպիսի լողավազաններ շատ քիչ կան: Մեզ մոտ երկու լողավազան կա 50 մետրանոց, մեկը Ծաղկաձորի լողավազանն է, մյուսը Gold’s Gym-ինը, որը սեփականաշնորհվել է և միշտ չէ, որ կարողանում ենք այնտեղ մարզվել: Լուրջ մրցաշարերի ժամանակ մենք դիմում ենք լողավազանի ղեկավարությանը և մեզ թույլատրում են մարզվել: Բայց միայն երկարատև մարզումների արդյունքում է հնարավոր լավ արդյունքներ գրանցել: Բացի այդ, շատ մարզասարքեր են պետք, որը մենք չունենք: Շատ տաղանդավոր մարզիկներ կան Հայաստանում, ու լավ պայմանների դեպքում նաև արդյունքներ կլինեն:

Պեկինի խաղերի բացման ժամանակ ծանոթացա բասկետբոլիստներ Քոբի Բրայանտի, Կառլոս Բուզերի, Անդրեյ Կիրիլենկոյի հետ: Ես նրանց հեռուստացույցով էի տեսել, ու, երբ բացման ժամանակ նման հնարավորություն եղավ, չէի կարող չմոտենալ, չծանոթանալ ու չլուսանկարվել նրանց հետ:

Լողորդները այլ մարզիկների պես քաշի խնդիր չունեն: Լողորդը պետք է լավ սնվի, պարտադիր միս ուտի: Լավ սնվելու դեպքում է միայն հնարավոր ծանր մարզումներից հետո վերականգնվել:

Արդեն մեկ տարուց ավելի է աշխատում եմ «Grand Sport»-ում, սա իմ առաջին ու լուրջ աշխատանքն է: Աշխատել եմ նաև «Gold’s Gym»-ում և «Orange fitness»-ում: Շատ դժվար է աշխատանքն ու մարզումները համատեղելը, բայց դիմանում եմ: «Grand Sport»-ում մարզիչ եմ ու կցանկանամ լավ կադրեր պատրաստել ու զարգացնել այս մարզաձևը:

Լավագույն դեպքում 2 անգամ եմ կարողանում մասնակցել: Դա շատ քիչ է, որքան շատ ստարտ ունենաս, այնքան արդյունքդ կլավանա ու փորձ ձեռք կբերես:

Չեմ կարող ասել, թե կոնկրետ ինչ է տեղի ունենում: Ուղղակի, եթե նպատակ ես դրել քո առջև` հիշելով այն, միշտ ձգնում ես առաջ: Ես, եթե որևէ դժվարություն եմ ունենում, ինձ միշտ ասում եմ` ոչ մի ցավ, ոչ մի հոգնածություն ու շարժվում եմ առաջ:

Ինձ համար իդեալական լողորդը Ալեքսանդր Պոպովն է: Նա հիանալի տեխնիկա է ունեցել, որը ոչ մեկին չի հաջողվել ունենալ: Էլի շատ լավ լողորդներ կան, օրինակ Մայքլ Ֆելբսը, նա միակն է, ում հաջողվել է Օլիմպիական խաղերում 8 ոսկե մեդալ նվաճել: Ես միշտ ուղղորդվել եմ Պոպովին նայելով: Նրա հետ էլ ծանոթ եմ ու միշտ ձգտել եմ նմանվել նրան: Իմ սենյակում Պոպովի նկարն է կախած (ծիծաղում է):