 Մելինե Դալուզյան.2,5 րոպե ծանրորդի հետ18 հուլիսի 2012 PanARMENIAN.Net - Երկու ժամ ծանր մարզվելուց հետո Մելինե Դալուզյանը պատասխանեց PanARMENIAN.Net-ի բլից հարցերին` տալով կարճ, բովանդակալից ու հետաքրքիր պատասխաններ: Ծանրամարտի հետ կապված քո առաջին հիշողությունը: Ես մտածում էի, որ դահլիճում միայն մեկ ծանրաձող կլինի, բայց մտա ու մի քանի հատ էր: Սա ինձ համար շատ զարմանալի էր: Ինձ թվում էր, որ միանգամից կարողանալու եմ բարձրացնել ծանրաձողը ու գնացի թարս բռնեցի: Երևի սա է իմ առաջին հիշողությունը: Քո ձեռագիրը գեղեցի՞կ է: Այո: Վերջին անգամ հասարակական տրանսպորտից ե՞րբ ես օգտվել: Մեր Գյումրին փոքր է ու տաքսիով մի տեղ գնալը 500 դրամ է, միկրոավտոբուսում էլ ծանոթներն այնքան շատ են… Միևնույն է, դրամային տարբերությունը շատ չի լինելու, ու օգտվում եմ տաքսիից (ծիծաղում է): Ի՞նչ արժե այս օրերին ծիրանը: Մի շաբաթ առաջ 750 դրամով եմ տեսել:
Սիրո՞ւմ ես չիփս ուտել: Այո, հենց հիմա սենյակումս դրած է: Ինչո՞ւ են մարդիկ փռշտալիս աչքերը փակում: Չգիտեմ: Ուշադիր էլ չեմ եղել, դու ասացիր նոր մտածեցի այդ մասին: Ի՞նչն է քեզ ամենից շատ զարմացնում մարդկանց մեջ: Որ ոնց կարող է մարդ եկու հոգու կռվեցնել ու մեջից չոր դուրս գալ: Ի՞նչ ընդհանրություններ ունեն հայերն ու անգլիացիները: Եթե Ծաղկաձորի հետ համեմատեմ Լոնդոնը` անձրևը երևի: Քո սիրած հեռուստատեսային հաղորդումը: Ես շատ քիչ եմ նայում հեռուստացույց: Բայց հիմնականում հումորային, թեթև ծրագրեր եմ նայում: Ո՞վ է առաջին հայ ժամանակակից Օլիմպիական խաղերի չեմպիոնը: Մարմնամարզիկ Հրանտ Շահինյանը: Ո՞ր Օլիմպիական խաղերում են հայ մարզիկները «նույն գույնի» մեդալներ նվաճել: Վերջին` Պեկինի խաղերի, երբ մեր մարզիկները միայն բրոնզ բերեցին: Քո սիրած մուլտֆիլմը: «Ռիո»: Հավանո՞ւմ ես մեր ոստիկանների նոր համազգեստը: Ճիշտն ասած չեմ տեսել: Երբեմն ես կարոտում եմ… Տունը: Երբ ես փոքր էի երազում էի… Սպորտում հաջողություններ ունենալու մասին: Իմ անունը դրել են Մելինե, որովհետև… Հորաքույրս է այդպես ուզել: Ես սիրում եմ գումար ծախսել… Սպորտայի հագուստի և ուտելիքի վրա: Ինձ խենթացնում է, երբ … Չեմպիոն եմ դառնում: Բոլորից համեղ պատրաստում է … Մայրիկս:Գոհար Նալբանդյան / PanARMENIAN News Հղումներ թեմայով.   Մելինե Դալուզյան Ծանրորդ Մելինե Դալուզյանը ծնվել է 1988 թվականի ապրիլի 20-ին Լենինականում (Գյումրի): Եվրոպայի առաջնության կրկնակի չեմպիոն է, աշխարհի առաջնության կրկնակի մեդալակիր: 2005-ից միջազգային կարգի սպորտի վարպետ է:  |  Սյուժե Այլ հարցազրույցներ Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
Ուշադրության կենտրոնում
Հոդվածներ. Սպորտ
