Հայաստանի բռնցքամարտի հավաքականը պատրաստվում է Տրապիզոնի վարկանիշային մրցաշարին

PanARMENIAN.Net - Հայաստանի բռնցքամարտի հավաքականը մարտի 27–ին գլխավոր մարզիչ Կարեն Աղամալյանի ղեկավարությամբ ուսումնամարզական հավաք է անցկացնում Աբովյանի համալիր մարզադպրոցում: Հավաքականը պատրաստվում է Տրապզոնի վարկանիշային մրցաշարին:

Հավաքականը ապրիլի 13-ին ավտոբուսով կմեկնի Թբիլիսի ու այնտեղից ինքնաթիռով կհասնի Տրապիզոն, որտեղ Լոնդոնի օլիմպիական խաղերի ուղեգիր նվաճելու համար անզիջում պայքար կմղի եվրոպական երկրների պատվիրակների հետ մրցավեճում:

Հետաքրքիր է,որ քաշային կարգերում տարբեր քանակի ուղեգրեր են հատկացված . 49 կգ և 60 կգ ` 1-4-րդ տեղ գրավողներին կտրվի խաղեր մեկնելու ուղեգիր: Այստեղ մեր երկիրը կներկայացնեն Կորյուն Սողոմոնյանը և Վլադիմիր Սարուխանյանը: 52 կգ `Հովհաննես Դանիելյան, 56 կգ ` Արամ Ավագյան, 81 կգ ` Արթուր Խաչատրյան (երեքում էլ ` 1-3-րդ տեղերը), 69 կգ ` Հրայր Մաթևոսյան (1-2-րդ տեղ): 64 կգ և գերծանրքաշային կարգերում Տրապիզոն մեկնողների անունները հայտնի կդառնան ավելի ուշ: Մրցաշարում Հայաստանը մարզիկ չի հայտավորի 75 և 91 կգ քաշային կարգերում: Առաջինի պարագայում արդեն ուղեգիր է ձեռք բերել Անդրանիկ Հակոբյանը, իսկ երկրորդի դեպքում բարձրակարգ մարզիկ չունենք, հայտնում է ՀԱՕԿ պաշտոնական կայքը:

Տրապիզոնյան մրցաշարը կավարտվի ապրիլի 22-ին :