  Լևոն Տեր-Պետրոսյանը ԵՄ դեսպանների հետ քննարկել է առաջիկա խորհրդարանական ընտրությունները Հայաստանում 28 մարտի 2012 - 20:11 AMT PanARMENIAN.Net - Մարտի 28-ին ընդդիմադիր Հայ ազգային կոնգրեսի (ՀԱԿ) նախագահ Լևոն Տեր-Պետրոսյանը Եվրամիության պատվիրակության դեսպանատանը հանդիպել է ԵՄ անդամ երկրների դեսպանների հետ: Ինչպես հաղորդում է ՀԱԿ-ի մամլո ծառայությունը, հանդիպման նպատակն է եղել ԱԺ ընտրություններին ընդառաջ Հայ ազգային կոնգրեսի մոտեցումների, ներկա իրավիճակի գնահատականի և առաջիկա անելիքիների մասին տեղեկատվություն ստանալը: Դեսպանների խնդրանքով Տեր-Պետրոսյանը ներկայացրել է առաջիկա ընտրությունների օրինականության ապահովման կապակցությամբ իր նկատառումները` հատկապես նշելով արդեն հրապարակված ընտրողների ցուցակի ուռճացվածության հարցը: Մասնավորապես ներկաների ուշադրությունն է հրավիրվել այն պարադոքսի վրա, որ չնայած Հայաստանի բնակչության նվազմանը, ընտրողների թիվը ցուցակում ավելանում է: Դեսպանների խնդրանքով ՀԱԿ-ի նախագահը ներկայացրել է նաև խորհրդարանում Կոնգրեսի առաջիկա անելիքները, ինչպես նաև անդրադարձել է համամասնական ցուցակի կազմման սկզբունքներին: Հանդիպմանը մասնակցել են Հայ Ազգային Կոնգրեսի կենտրոնական գրասենյակի ներկայացուցիչներ Լևոն Զուրաբյանը և Ավետիս Ավագյանը: Մարտի 28-ին ՀՀ առաջին նախագահ Լևոն Տեր-Պետրոսյանը հանդիպել է նաև Շվեդիայի ԱԳ նախարարության քաղաքական հարցերի գլխավոր տնօրեն Բյորն Լիրվալի գլխավորած պատվիրակության հետ և դարձյալ քննարկել առաջիկա խորհրդարանական ընտրությունները Հայաստանում:
  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
