 Հայաստանի նախագահ. Մենք սովորելու բան ունենք Սինգապուրից 28 մարտի 2012 - 21:42 AMT PanARMENIAN.Net - Ի պատիվ պետական այցով Սինգապուրի Հանրապետությունում գտնվող Հայաստանի նախագահ Սերժ Սարգսյանի` Սինգապուրի նախագահ Թոնի Տան Քեն Յամի անունից այսօր տրվել է պետական ընթրիք: Իր բաժակաճառում նախագահ Սարգսյանը նախ երախտագիտություն է հայտնել Սինգապուրի նախագահին և երկրի իշխանություններին ջերմ հյուրընկալության համար, ապա անդրադարձել հայ-սինգապուրյան հարաբերությունների ավանդաշատ պատմությանը, ներկային և խոստումնալից հեռանկարին: Մասնավորապես, նա նշել է. «Չնայած սակավությանը, հայերն իրենց արժանի ներդրումն են ունեցել Սինգապուրի հասարակական և տնտեսական կյանքի ամենատարբեր ոլորտներում, ինչը, իմ որակմամբ, նաև ձեր ժողովրդից ներազդվելու արդյունք է: Չէ՞ որ փոքր քանակն ու բարձր որակը մեծապես ներհատուկ է Սինգապուրի տաղանդաշատ ժողովրդին»: Սարգսյանը նշել է, որ գոյություն ունեն բոլոր նախադրյալները միջպետական հարաբերությունների որակական նոր մակարդակի զարգացման համար: Հայ-սինգապուրյան հարաբերություններում որակական նոր փուլ ազդարարեց 2009թ. Սինգապուրի հիմնադիր վարչապետ Լի Կուան Յուի այցը Հայաստան: «Մենք սովորելու բան ունենք Սինգապուրից, մենք հիշում ենք պարոն Լի Կուան Յուի Երևանում տված իմաստուն խորհուրդը. «Դուք պետք է կրթեք մարդկանց, ստիպեք ապրել և մտածել առաջին կարգի աշխարհի քաղաքացու պես: Ձեր հայացքն ուղղեք դեպի Եվրոպա, Ամերիկա և Արևելյան Ասիա»,- հիշեցրել է նախագահը: Ամփոփելով իր խոսքը` ՀՀ նախագահն ասել է, որ այս տարի երկու երկրների միջև դիվանագիտական հարաբերությունների հաստատման քսանամյակը պարտավորեցնում է, որպեսզի երկուստեք արվի հնարավորը, և ժողովուրդներն ավելի լավ ճանաչեն միմյանց, իսկ երկկողմ հարաբերությունները որակական վերընթաց զարգացում ապրեն:
  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
