 Արգենտինայում Հայաստանի դեսպանը պարգևատրվել է Ազատարար Սան Մարտինի Մեծ Խաչ շքանշանով 29 մարտի 2012 - 18:08 AMT PanARMENIAN.Net - Արգենտինյան Հանրապետության նախագահ Քրիստինա Ֆերնանդեսդե Կիրչների հրամանագրով Արգենտինայում ՀՀ դեսպան Վլադիմիր Կարմիրշալյանը պարգևատրվել է Ազատարար Սան Մարտինի Մեծ Խաչ շքանշանով, հաղորդում է ՀՀ ԱԳՆ մամուլի ծառայությունը: Այդ շքանշանն օտարերկրյա դիվանագետներին շնորհվող ամենաբարձր պետական պարգևն է: Արգենտինայի Արտաքին գործերի և պաշտամունքի նախարարության Սան Մարտին պալատում կայացած հանդիսավոր արարողության ընթացքում Արգենտինայի կառավարության պարգևը Հայաստանի դեսպանին հանձնեց ԱՀ արտաքին գերատեսչության փոխնախարար Էդուարդո Անտոնիո Զուայինը: Իր ելույթում նա բարձր գնահատեց դեսպան Վլադիմիր Կարմիրշալյանի ավանդն Արգենտինայի և Հայաստանի միջև փոխշահավետ հարաբերությունների զարգացման ու խորացման գործում, մասնավորապես կարևորեց վերջին տարիների ընթացքում մի շարք բարձր մակարդակի փոխայցելությունների իրականացումը և կարևոր նշանակություն ունեցող միջպետական պայմանագրերի ստորագրումը: Իր շնորհակալական խոսքում դեսպան Վլադիմիր Կարմիրշալյանը նշեց, որ արգենտինական բարձր պարգևն ընդունում է որպես Հայաստանի և Արգենտինայի միջև գերազանց հարաբերությունների և մեր ժողովուրդների միջև դարավոր բարեկամության գնահատական: Հանդիսավոր արարողությանը ներկա էին Արգենտինայի Արտաքին գործերի նախարարության բարձրաստիճան ներկայացուցիչներ, Բուենոս Այրեսում հավատարմագրված դիվանագիտական կորպուսի անդամներ, արգենտինահայ համայնքային կառույցների ղեկավարներ: Դեսպան Վլադիմիր Կարմիրշալյանը շուտով կավարտի իր դիվանագիտական առաքելությունը Բուենոս Այրեսում և կվերադառնա Երևան:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
