Չինաստանը կցանկանար էլ ավելի ամրապնդել երկկողմ համագործակցությունը Հայաստանի հետ 6 ապրիլի 2012 - 18:28 AMT PanARMENIAN.Net - Հայաստանի և Չինաստանի նախագահներ Սերժ Սարգսյանն ու Հու Ցզինտաոն շնորհավորական հեռագրեր են փոխանակել դիվանագիտական հարաբերությունների հաստատման 20-ամյակի կապակցությամբ: «Չինաստանի ու Հայաստանի հարաբերությունները փոխշահավետ զարգացում են ապրել վերջին 20 տարում, արդյունավետ համագործակցություն է հաստատվել առևտրի, ներդրումների, կապի, գյուղատնտեսության, տեխնիկայի և մշակույթի ոլորտներում»,-ասվում է Հու Ցզինտաոյի նամակում: Երկու երկրները նաև ակտիվորեն մասնակցել են միջազգային և տարածաշրջանային հարցերի քննարկմանն ու համակարգմանը, հավելել է նա: Չինաստանի նախագահը հայտարարել է նաև, որ Չինաստանը կցանկանար 20-ամյա հոբելյանը դիտարկել որպես երկկողմ համագործակցության հետագա ամրապնդման, գործարար համագործակցության հետագա ակտիվացման հիմք: Իր հերթին ՀՀ նախագահ Սերժ Սարգսյանը նշել է, որ երկու երկրների ջանքերի շնորհիվ վերջին երկու տասնամյակում երկկողմ համագործակցությունն ամրապնդվել է քաղաքականության, առևտրի, արդյունաբերության, տեխնիկայի, պաշտպանության, մշակույթի, կրթության ու սպորտի ոլորտներում: Չինաստանի հետ համագործակցության զարգացումը միշտ եղել է Հայաստանի դիվանագիտական առաջնայնություններից մեկը, ասել է Սարգսյանը՝ հավելելով, որ Երևանը բարձր է գնահատում Չինաստանի սկզբունքային դիրքորոշումը աշխարհում խաղաղության պահպանման հարցում: Նա նշել է, որ Հայաստանը ցանկանում է հետագայում ևս աշխատել Չինաստանի հետ միջազգային կառույցներում և զարգացնել երկկողմ հարաբերությունները՝ բարձրացնելով դրանք նոր մակարդակի: ԱԳ նախարարները ևս շնորհավորական ուղերձներ են փոխանակել: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Կիրանցում բնակիչները քանդում են գույքը՝ տարածքը հանձնելուց առաջ Բնակիչներից մեկն էլ փորձել է այրել իր հողակտորը, որը ևս պետք է անցնի Ադրբեջանին Հայաստանում առաջին մյուսլի արտադրող ընկերությունն է հիմնադրվել Հայկական առաջին մյուսլիների արտադրության գործընկերն Ակբա Ֆեդերացիան է Բիբլոս Բանկ Արմենիան` ապագա նորարաների կողքին. Բարի գալուստ CaseKey 2024 Առաջիկա 6 ամսվա ընթացքում մասնակիցները կլուծեն 4 բիզնես քեյս Ադրբեջանի մեջլիսում Լյուքսեմբուրգի խորհրդարանի նախագահի հայտարարությունները «կանխակալ և անհեթեթ» են որակել Բաքվում հայտարարել են նաև, թե նման հայտարարությունները խաթարում են խաղաղ գործընթացն Ադրբեջանի և Հայաստանի միջև |