«Բարգավաճ Հայաստանն» իր նախընտրական քարոզարշավը մեկնարկել է հանրահավաքով Աբովյանում 8 ապրիլի 2012 - 18:21 AMT PanARMENIAN.Net - «Բարգավաճ Հայաստան» կոալիցիոն կուսակցությունը (ԲՀԿ) առաջիկա խորհրդարանական ընտրություններում իր նախընտրական քարոզարշավը մեկնարկել է հանրահավաքով Գագիկ Ծառուկյանի հայրենի Աբովյան քաղաքում: Ինչպես ցույցի բացմանը հայտնել է Ծառուկյանը, ինքը չի ցանկանում տարբերություն դնել աբովյանցիների, մարտունեցիների կամ երևանցիների միջև, բայց յուրաքանչյուր համար առաջնայինն իր քաղաքն ու փողոցն է: «Առավել ևս, որ ես ինքս պատգամավոր եմ Աբովյանից»,- նկատել է նա: Իր խոսքում «Բարգավաճ Հայաստանի» նախագահը շեշտը դրել է երկրի սոցիալական խնդիրների վրա: «Ես ուզում եմ, որպեսզի ժողովուրդը մոռանա գաղթի ճանապարհը, աշխատանք ունենա»,- ընդգծել է Ծառուկյանը: Այս կապակցությամբ նա նկատել է, որ երկրում առկա խնդիրների լուծման համար կուսակցությունն այժմ մշակում է նախընտրական ծրագիր, այդ թվում և հրավիրված արտասահմանյան մասնագետների օգնությամբ: Ծառուկյանն ընդգծել է, որ «Բարգավաճ Հայաստանը» միշտ «իր խոսքի տերն» է եղել, և հավելել, որ կուսակցության համար գլխավոր չափանիշը լինելու է լավ կատարված աշխատանքը, այլ ոչ թե մտերմությունը կամ ծանոթությունն այս կամ այն մարդու հետ: «Բարգավաճ Հայաստանի» ղեկավարը մարդկանց կոչ է արել համախմբված և ակտիվորեն մասնակցել առաջիկա ընտրություններին՝ ընդգծելով, որ իրենց աջակցությունից է կախված կուսակցության ծրագրերի կատարումը: Խորհրդարանական ընտրությունները Հայաստանում տեղի կունենան մայիսի 6-ին: Ընտրություններին մասնակցում են ութ քաղաքական ուժեր՝ ՀՀԿ, ԲՀԿ, ՀՅԴ, ՕԵԿ-ը, «Ժառանգությունը, Հայաստանի դեմոկրատական կուսակցությունը, Կոմունիստական կուսակցությունը, «Միավորված հայեր» կուսակցությունը և մեկ նախընտրական դաշիքն ի դեմս ՀԱԿ-ի: «Բարգավաճ Հայաստանի» համամասնական ցուցակը գլխավորում են կուսակցության նախագահ և խոշոր ձեռնարկատեր Գագիկ Ծառուկյանը, ԱԳ նախկին նախարար Վարդան Օսկանյանը և քաղաքաշինության նախարար Վարդան Օսկանյանը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՔԿ․ «Էվրիկա»-ի տարբեր հասցեներում խուզարկություններ են ՊԵԿ-ն «Էվրիկա»-ին տուգանել է 10 մլն դրամով |