Մարաղայի ջարդերի պատճառը գյուղի մատույցներով անցնող նավթատարն էր10 ապրիլի 2012 - 15:12 AMT PanARMENIAN.Net - «Ընդդեմ իրավական կամայականության» ՀԿ-ն Երևանում կազմակերպել է միջոցառում՝ նվիրված Ադրբեջանի կողմից Մարաղա գյուղի հայերի Ցեղասպանության 20-րդ տարելիցին: Միջոցառման ժամանակ Մարաղայի սարսափելի դեպքերի ականատեսները պատմել են իրենց գլխին եկածը: Արայիկ Գրիգորյանը պատմել է. «Ապրիլի 10-ին ադրբեջանցի զինվորները տանկերի հետ միասին մտան գյուղ՝ այրելով տները, սպանելով հանդիպած մարդկանց, կապելով նրանց տանկերին: Մահացան տասնյակ մարդիկ, շատերին գերի տարան, մնացածներին հրաշքով հաջողվեց փրկվել»: Ինչպես նշել են միջոցառման մասնակիցները, Մարաղայում նման գործողությունների հիմնական գործոններից մեկը եղել է նավթատարը, որն անցնում է գյուղից ոչ հեռու: Հենց նավթի ծարավն է ադրբեջանցիներին տարել այնտեղ: Ինչպես նշել է ԱԺ պատգամավոր և «Ընդդեմ իրավական կամայականության» ՀԿ-ի ղեկավար Լարիսա Ալավերդյանը, պատահական է թե, ոչ, բայց հրադադար է կնքվել հենց այն ժամանակ, երբ ղարաբաղյան ուժերը փորձել են վերադարձնել գյուղը և հարձակվել նավթատարի վրա: Հրադադարից հետո գյուղն այդպես էլ մնացել է «այն կողմում»` Ադրբեջանի տիրապետության տակ: Միջոցառման ավարտին ցուցադրվել է ֆիլմ՝ նվիրված Մարաղայի դեպքերին: Այն նկարահանվել է անցյալ տարի Հայաստանի նախագահի աշխատակազմի հասարակայնության և ԶԼՄ-ների հետ կապերի կենտրոնի աջակցությամբ: 1992թ. ապրիլի 10-ին Մարաղա գյուղը հարձակման ենթարկվեց ադրբեջանական զինվորների կողմից՝ արդյունքում գյուղն ամբողջապես ավիրվեց, 59 մարդ սպանվեց, 57 հոգի գերեվարվեց, այդ թվում 9 երեխա և 29 կին, ևս 19 հոգի մինչ օրս համարվում է անհայտ կորած: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | ԶԼՄ. ՀՀ–ն դիտարկում է Իրանի Չաբահար նավահանգստում India Ports Global Ltd. & Ports օպերատորի հետ գործակցության տարբերակը Ստեղծվել է միջգերատեսչական աշխատանքային խումբ Ռուբինյան․ Թուրքական կողմից սահմանի բացմանն ուղղված քայլեր չենք տեսել «Մենք ակնկալում ենք, որ այդ պայմանավորվածությունը կկատարվի»,-ասել է Ռուբինյանը O’Բրայենը՝ Փաշինյանին․ ԱՄՆ–ն շարունակելու է աջակցությունը ՀՀ կառավարությանը՝ առաջ մղելու բարեփոխումները Փաշինյանն ընդգծել է ԱՄՆ աջակցությունն ուղղված Հայաստանում իրականացվող ժողովրդավարական բարեփոխումներին Idcoin. IDBank-ի հավատարմության համակարգի նոր գործիքը Մեկ idcoin-ը հավասար է մեկ դրամի |