  «Հայկական ժամանակ». Արաբկիրի նախկին թաղապետ Հովհաննես Շահինյանը դուրս է եկել ՀՀԿ-ից 17 ապրիլի 2012 - 09:46 AMT PanARMENIAN.Net - Արաբկիրի նախկին թաղապետ Հովհաննես Շահինյանը երեկ Սերժ Սարգսյանի ղեկավարած Հանրապետական կուսակցությունից դուրս գալու դիմում է գրել: «Հայկական ժամանակի» այս տեղեկությունը հաստատել է Շահինյանը` չմանրամասնելով իր քայլի պատճառը: «Ոչ մի բանով պայմանավորված չէ, ուզում եմ դուրս գալ ՀՀԿ-ից: Հիմա զբաղված եմ կնոջս նախընտրական կամպանիայով»,- թերթի թղթակցի հարցին ի պատասխան ասել է նա` միաժամանակ հերքելով, որ ՀՀԿ-ից դուրս գալու իր որոշումը պայմանավորված է կնոջ` «168 ժամ» թերթի խմբագիր Սաթիկ Սեյրանյանի մեծամասնական առաջադրումով` 4-րդ ընտրատարածքում: «Հայկական ժամանակը» հիշեցնում է, որ Շահինյանն ընդգրկված չէ ՀՀԿ համամասնական ցուցակում: Արդյո՞ք կուսակցությունից դուրս գալու ձեր որոշման համար դա է պատճառ հանդիսացել` թերթի թղթակցի հարցին Շահինյանն այսպես է պատասխանել. «Իհարկե` ոչ»: Իսկ հարցին` հնարավոր է այլ կուսակցության անդամագրվի, Շահինյանն ասել է, թե իր միակ կուսակցությունն հիմա Սաթիկ Սեյրանյանի նախընտրական գործերը կազմակերպելն է: Ի դեպ, երեկ տեղեկություն կար, որ ՀՀԿ-ից դուրս գալու այլ դիմումներ էլ կան: Շահինյանը որևէ տեղեկություն չի ունեցել դրանց մասին:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
