 ԵԱՀԿ-ն ցանկանում է բարձրացնել ՀՀ-ում ազգային փոքրամասնությունների իրավունքների մասին իրազեկվածությունը 27 ապրիլի 2012 - 11:09 AMT PanARMENIAN.Net - Օրենսդրական դրույթների և միջազգային չափորոշիչների իմացությունը կարևոր է ազգային փոքրամասնությունների իրավունքների պաշտպանությունն ապահովելու համար: Այսօր ազգային փոքրամասնությունների իրավունքների վերաբերյալ իրազեկության բարձրացման մասին աշխատաժողովի ընթացքում այս կարծիքն է հայտնել ԵԱՀԿ երևանյան գրասենյակի մարդու իրավունքների հարցերով պատասխանատու Վլադիմիր Չունդուլովը: «Կարծում եմ` պետք է տեղեկացված լինենք պետական մարմինների և քաղաքացիական հասարակության կողմից ձեռնարկվող բոլոր գործողությունների և միջոցառումների մասին»,- ասաց Չունդուլովը: Աշխատաժողովի ընթացքում քննարկվել է նաև փոքրամասնությունների լեզուների գործածման հարցը վարչական իշխանությունների հետ հաղորդակցվելիս, փոքրամասնությունների իրավունքների մասին իրազեկության և բարելավված օրենսդրության ու պրակտիկայի հարաբերակցությունը, ինչպես նաև ՄԻՊ գրասենյակի դերը` որպես փոքրամասնությունների իրավունքների պաշտպանության կարևոր մեխանիզմ: «ՀՀ ԱԳՆ-ն` հանձին մեր վարչության, ակտիվ գործունեություն է ծավալում մարդու իրավունքների պաշտպանության ուղղությամբ: Հայաստանում լավ են գիտակցում, թե ինչ է նշանակում ազգային փոքրամասնություն լինելը, քանի որ հայերը շատ երկրներում են ազգային փոքրամասնություն կազմում»,- ասաց ՀՀ ԱԳՆ միջազգային կազմակերպությունների վարչության պետ Վահրամ Կաժոյանը` հույս հայտնելով, որ երկրի բարելավմամբ կբարձրանա նաև ազգային փոքրամասնությունների զարգացմանը տրամադրվող կառավարության ֆինանսավորումը: Աշխատաժողովին ներկա են եղել ներկայացուցիչներ ՀՀ նախագահի աշխատակազմից, ԱԳՆ-ից, ազգային փոքրամասնությունների հարցերով զբաղվող պետական կառույցներից, Մարդու իրավուքների պաշտպանի գրասենյակից, ինչպես նաև Հայաստանում ազգային փոքրամասնությունների համայնքներից:   Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել   Ամենաընթերցվողը բաժնում |  Վերջին լուրեր Հայաստանում անցկացվել է առաջին Bug Bounty մրցույթը  Խոցելիություններ գտած մասնակիցները, ըստ դրա լրջության, պարգևատրվում ենՊապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդեսՎերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներումՊարզեցվել է երկակի և ռազմական նշանակության ապրանքների ներմուծումն ու արտահանումը Կան բազմաթիվ ապրանքներ, որոնք ակնհայտորեն չեն կարող երկակի կամ ռազմական նշանակության լինել, բայց ենթարկվում էին փորձաքննության |
