Կուսակցությունները ներկայացրել են իրենց պատկերացումները բանակում անհրաժեշտ բարեփոխումների մասին 4 մայիսի 2012 - 16:56 AMT PanARMENIAN.Net - «Բանակն իրականում» նախաձեռնությունը դիմել էր ԱԺ ընտրություններին մասնակցող կուսակցություններին՝ կոչ անելով իրենց ծրագրերում ներառել բանակին առնչվող բարեփոխումների կետեր ու դրանք հրապարակել: Նախաձեռնությունից հայտնում են, որ առաջադրված քաղաքական ինն ուժերից իրենք պատասխան են ստացել միայն երեքից՝ «Միավորված հայեր» կուսակցությունից, «Ժառանգությունից» և Հայ ազգային կոնգրեսից: Վերջինս գրել է, որ ՀՀ զինված ուժերի բարեփոխումները դիտարկում է որպես երկրում սահմանադրական կարգի վերականգնման և երկրի արմատական բարեփոխումների կարևոր մաս: ՀԱԿ ներկայացրած առաջարկների թվում են պայմանագրային կանացի զորամասերի ստեղծումը, զորակոչվածների բուժզննման կատարումը քաղաքացիական բուժհաստատություններում, ՊՆ բյուջեն թափանցիկ ու բաց դարձնելը, ՊՆ Ռազմական ոստիկանությունը, ՊՆ քննչական ծառայությունը և Զինվորական դատախազությունը լուծարելը, գաղտնիության ենթակա թողնել միայն ԶՈՒ տեղաբաշխումը, կառուցվածքը, տեղեկությունները զենքի քանակի ու որակի մասին։ «Միավորված հայեր» կուսակցությունը հավաստիացրել է նախաձեռնությանը, որ Ազգային ժողով անցնելու դեպքում անելու է հնարավորը զինված ուժերում բարեփոխումների փաթեթ ներկայացնելու ու կենսագործելու և Հայոց բանակը հասարակական կազմակերպությունների համար թափանցիկ դարձնելու ուղղությամբ: «Ժառանգություն» կուսակցության անունից նախաձեռնությանը պատասխանել է Զարուհի Փոստանջյանը՝ գրելով, որ իրենք կարևորում են հետևյալ սկզբունքները. «Համաձայն Սահմանադրության սկզբունքների՝ բանակը ապաքաղաքականացնել, քաղաքացիներին միայն հայրենիքի պաշտպանության սկզբունքով ներգրավել պարտադիր զինծառայության մեջ, բանակում ներդնել մարդու իրավունքների պաշտպանության գործուն մեխանիզմներ»: Իրենց նախընտրական ծրագրերում ընդհանուր դրույթներով բանակի բարեփոխմանն անդրադարձել են Հայ հեղափոխական դաշնակցությունը «Բարգավաճ Հայաստանն», «Օրինաց երկիր», և Հայաստանի հանրապետական կուսակցությունները, սակայն այս կուսակցությունները նախաձեռնությանը բանակի հետ կապված իրենց ծրագրերը չեն տրամադրել: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |