Թանգարանային գիշեր 2012. Արամ Խաչատրյանի տուն-թանգարանը շեշտը կդնի «Գայանե» բալետի վրա15 մայիսի 2012 - 12:28 AMT PanARMENIAN.Net - Արամ Խաչատրյանի տուն-թանգարանը Թանգարանային գիշեր 2012-ին շեշտը դնելու է մեծ կոմպոզիտորի «Գայանե» բալետի 70-ամյակի վրա: Ինչպես PanARMENIAN.Net ի թղթակցին փոխանցեցին տուն-թանգարանից, թանգարանն, առհասարակ, 2012 թ-ը հայտարարել է «Գայանե» բալետի տարի: «Գիշերը» թանգարանը կսկսի 18.00-ին, ավանդական դարձած «Հնչյուններ և գույներ» ծրագրով, որի ընթացքում երեխաները կստեղծագործեն «Գայանեի» հնչյունների ներքո, կբացվի «Հակոբ Կոջոյան» կրթահամալիրի սաների` նույն թեմատիկայով ցուցահանդեսը: Պարի սիրահարներին թանգարանում «Բարեկամություն» պարի համույթի պարուսույցները կսովորեցնեն պարել բալետի հնչյունների տակ: Ավելի ուշ, ժամը 21.00-ից սկսած Արամ Խաչատրյանի անվան տրիոն և Գևորգ Աճեմյանի անվան ջութակահարների անսամբլը կներկայացնեն «Գայանե»-70 համերգը: Միջոցառումների շարքը կավարտվի տեսաֆիլմի դիտումով: Թանգարանային գիշեր 2012-ն անցկացվելու է մայիսի 19-ին «Գիրը փոփոխվող աշխարհում» խորհագրով: Առաջին անգամ այն կազմակերպվել է 1997 թ-ի հունվարին` Բեռլինում: Ողջ աշխարհում այն տեղի է ունենում մայիսի 18-ի`Թանգարանների միջազգային օրվա կապակցությամբ: Ակցիան սկիզբ է առել Փարիզում 2001 թ. և լայն տարածում է ստացել ողջ Եվրոպայում: Միջոցառման ընթացքում թանգարանների մուտքը ողջ գիշեր անվճար է: Այն հովանավորվում է ՅՈՒՆԵՍԿՕ-ի և Թանգարանների միջազգային խորհրդի կողմից: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |