  ANCA-ում համոզված են, որ Հարավային Կովկաս կատարելիք այցի ժամանակ Հիլարի Քլինթոնն անպայման պետք է այցելի Արցախ 2 հունիսի 2012 - 13:26 AMT PanARMENIAN.Net - Ամերիկայի հայկական ազգային կոմիտեն առաջարկել է 10 քայլեր, որոնք պետք է իրականացնի պետքարտուղար Հիլարի Քլինթոնը` Հարավային Կովկաս կատարելիք այցի ժամանակ: Ինչպես PanARMENIAN.Net ին հաղորդել են ANCA-ում, այդ քայլերը կնպաստեն ամերիկյան հետաքրքրությունների, արժեքների առաջախաղացմանն ու տարածաշրջանային առանցքային հարցերում ԱՄՆ նախագահի աշխատակազմի դիվանագիտական հեղինակության ամրապնդմանը: Առաջին հերթին, համաձայն ANCA-ի, Հիլարի Քլինթոնը պետք է պաշտոնապես հայտարարի, որ Բարաք Օբաման, ի վերջո, կիրագործի իր խոստումը և կճանաչի Հայոց ցեղասպանությունը և կնպաստի ԱՄՆ Կոնգրեսում այդ հանցագործության ճանաչմանը: Նա նաև պետք է հրաժարվի իր այն խոսքերից, որ Հայոց ցեղասպանությունը «պատմաբանների կողմից քննարկվելիք» թեմա է, և հայտարարի, որ Սպիտակ տունը չի օգտագործելու հայ-թուրքական ձախողված Արձանագրությունները` թուրքական ժխտողական քաղաքականությանանը իր մասնակցությունը հերքելու համար: Պետքարտուղարը պետք է հայտարարի նաև, որ ԱՄՆ դիրքորոշումը տարբերվում է ՆՏԱՕ-ում Լեռնային ղարաբաղի ինքնորոշման իրավունքի և տարածքային ամբողջականության առաջնային բնույթի վերաբերյալ վերջերս ընդունված դեկլարացիայից, ինչպես նաև ԱՄՆ Պետդեպարտամենտի այն զեկույցից, որտեղ Լեռնային Ղարաբաղը հիշատակվում է «որպես Ադրբեջանի մաս: ANCA-ն Քլինթոնին խորհուրդ է տալիս նաև. Հրաժարվել Հայաստանին ցուցաբերվող օգնությունը 19 տոկոս կրճատելու որոշումից: ՀՀ կառավարության հետ համատեղ առևտրային հարաբերությունները զարգացնելու մասին դեկլարացիա ստորագրել: Ադրբեջան կատարելիք այցի ժամանակ քննադատել այդ երկրի ռազմատենչ հայտարարությունները և Ղարաբաղի դեմ նոր պատերազմ սկսելու սպառնալիքները և հայտարարել, որ ԱՄՆ վարչակազմը չեղյալ չի համարում ԱՄՆ վերջնական ազատությունների վերաբերյալ Ակտի 907-րդ ուղղումը, քանի դեռ Բաքուն չի համաձայնվել ղարաբաղյան հակամարտության խաղաղ կարգավորմանը: Հրաժարվել զինամթերք վաճառել Ադրբեջանին: Այցելել Նախիջևանի գերեզմանները, որոնք պարբերաբար ոչնչացվում են ադրբեջանցիների կողմից: Վրաստան կատարելիք այցի ժամանակ հաստատել Ամերիկայի կողմից Վրաստանի Ջավախք հայաբնակ շրջանի բնակիչներին օգնություն ցուցաբերելու մասին որոշումը: ANCA-ում նաև համարում են, որ Հիլարի Քլինթոնը պետք է այցելի Ստեփանակերտ, որպեսզի ցուցադրի, որ աջակցում է ԵԱՀԿ Մինսկի խմբի շրջանակներում ղարաբաղյան հակամարտության խաղաղ կարգավորմանը և Ղարաբաղի` որպես բանակցային կողմի, կարգավիճակը վերականգնմանը և հաստատի, որ ԱՄՆ-ն հավատարիմ է ազգերի ինքնորոշման իրավունքին:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժեներ Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
