Գյուղատնտեսության նախարարը կարևորում է սննդամթերքի անվտանգության բարձրացման համար քայլերը 19 հունիսի 2012 - 19:52 AMT PanARMENIAN.Net - Այսօր Հայաստանի Հանրապետության գյուղատնտեսության նախարար Սերգո Կարապետյանն ընդունեց «Հայաստանում կենդանական ծագման սննդամթերքի և անասնակերի անվտանգության վերահսկման հզորացում» «Թվինինգ» երկամյա ծրագրի ղեկավար Ժեռար Ռոսսնիկի գլխավորած պատվիրակությանը: Ծրագիրը, որի իրականացնող երկրներն են Նիդեռլանդների Թագավորությունը, Դանիան և Լատվիան, նպատակ ունի հզորացնել սննդամթերքի անվտանգության համակարգը` կենդանական ծագման սննդամթերքի և անասնակերի անվտանգության վերահսկողության համակարգերի բարելավման միջոցով ԵՄ սանիտարական և բուսասանիտարական, ինչպես նաև միջազգային այլ ստանդարտներին համապատասխան: Ողջունելով հյուրերին, նախարարը կարևորեց սննդամթերքի անվտանգության մակարդակի բարձրացմանն ուղղված քայլերը, ինչպես նաև բարձր գնահատեց ԵՄ կողմից ֆինանսավորվող «Հայաստանում կենդանական ծագման սննդամթերքի և անասնակերի անվտանգության վերահսկման հզորացում» «Թվինինգ» ծրագիրը: Նա նշեց, որ սույն ոլորտը ուղղակիորեն առնչվում է հանրապետությունում թողարկվող ագրոպարենային ապրանքների արտահանման և վերամշակվող արդյունաբերության զարգացման խթանմանը: Նախարարը անդրադարձավ նաև ՀՀ կառավարության կողմից վերջին տարիներին իրականացվող օրենսդրական և ինստիտուցիոնալ բարեփոխումներին: Այս համատեքստում նա կարևորեց ՀՀ ԳՆ սննդամթերքի անվտանգության պետական ծառայության կազմավորումը: Նշվեց նաև, որ ոլորտը Եվրամիության հետ խոր և համապարփակ ազատ առևտրի համաձայնագրի բանակցային գործընթացի մեկնարկի առաջնային գերակայություններից է: Շնորհակալություն հայտնելով հանդիպման համար, Ռոսսինկը համոզմունք հայտնեց, որ «Թվինինգ» ծրագիրը կնպաստի Հայաստանում սննդամթերքի անվտանգության ոլորտի կարողությունների զարգացմանը: Երկու կողմերը պատրաստակամություն հայտնեցին ծրագրի իրականացման ընթացքին տրամադրել բազմակողմանի աջակցություն: Հանդիպման ավարտին նախարարը հաջողություն մաղթեց վաղը Երևանում մեկնարկող «Թվինինգ» ծրագրին նվիրված կոնֆերանսի աշխատանքներին:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
