Սաուդյան Արաբիան կրկին «գործարկել է» Իրանը շրջանցող նավթատարը

PanARMENIAN.Net - Սաուդյան Արաբիան վերսկսել է 80-ական թվականներին Սադդամ Հուսեյնի օրոք կառուցված և Իրանն ու Օրմուզյան ջրանցքը շրջանցող նավթատարը դեպի Կարմիր ծովի ափը:

Ինչպես հաղորդում է Lenta.ru-ն, իրաքա-սաուդյան նավթատարը` օրական 1,65 մլն բարել անցումային հնարավորությամբ, կառուցվել է Իրանի հետ Բաղդադի պատերազմի տարիներին, քանի որ նավթով տանկերները, որոնք անցնում էին Օրմուզյան ջրանցքով, մշտական գնդակոծությունների էին ենթարկվում: Նավթատարով մատակարարումները դադարեցվեցին 1990 թվականին, երբ Հուսեյնը ներխուժեց Քուվեյթ:

2001թ. Էր-Րիյադը առգրավեց նավթատարը Բաղդադի պարտքերի դիմաց և հետագայում այն օգտագործեց գազը երկրի արևելքում գտնվող էլեկտրակայաններ փոխադրելու համար: Համաձայն գործակալության տեղեկատվության` Սաուդյան Արաբիան վերանորոգել է խողովակաշարը, որպեսզի դրանով հնարավոր լինի նավթ փոխադրել, և վերջին 4-5 ամիսներին փորձարկում է այն: Այսպիսով Էր-Րիյադը մատակարարումների երթուղիների դիվերսիֆիկացիայի փորձ է կատարում, եթե Թեհրանը իրականացնի իր սպառնալիքն ու փակի Օրմուզյան ջրանցքը