Զուրաբյան. Ընտրակեղծիքների պատճառով Հայաստանը 2 մլրդ դոլարի օգնություն չստացավ ԵՄ-ից29 հունիսի 2012 - 15:57 AMT PanARMENIAN.Net - Մայիսի 6-ի Աժ ընտրություններում իշխանությունների ընտրակեղծիքների պատճառով Եվրամիությունը չկազմակերպեց Հայաստանի համար դոնորների խոստացված խորհրդաժողովը, որի ընթացքում նախատեսվում էր մոտ 2 մլրդ դոլար հավաքել: Այդ մասին Երևանում կայացած մամլո ասուլիսում հայտարարել է ՀԱԿ համակարգող, ԱԺ պատգամավոր Լևոն Զուրաբյանը: Ըստ Զուրաբյանի, ԵԱՀԿ դիտորդական առաքելության զեկույցը որակել է ընտրությունները որպես Հայաստանի ստանձնած պարտավորություններին հակասող, չհամապատասխանող: Նա նաև նշել է, որ ԵՄ արտաքին գործերի ու անվտանգության գծով գերագույն ներկայացուցիչ, Եվրահանձնաժողովի փոխնախագահ Քեթրին Էշթոնը Հայաստանում կայացած ընտրությունները կապել է ղարաբաղյան խնդրի հետ: «Իշխանությունները գերադասեցին կեղծել ընտրությունները Լեռնային Ղարաբաղի ու Հայաստանի զարգացման ծրագրի հաշվին և դրա համար պետք է պատասխան տան ժողովրդի առջև»,-ասել է նա: Ինչ վերաբերում է այն տեսակետին, թե դոնորների խորհրդաժողովի հետաձգումը կապված է եվրոյի գոտու ճգնաժամի հետ, Զուրաբյանն այն անհիմն համարեց: Ըստ նրա, այդ դեպքում համապատասխան եվրոպական կառույցները հրապարակայնորեն կհայտարարեին միջազգային օգնության ծավալների կրճատման մասին: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |