 Վ. Բալասանյանի նախընտրական շտաբ. Բալասանյանի վերաբերյալ տարածել են կեղծ լուրեր և զրպարտություններ 17 հուլիսի 2012 - 18:07 AMT PanARMENIAN.Net - ԼՂՀ նախագահության թեկնածու Վիտալի Բալասանյանի նախընտրական շտաբը հանդես է եկել հայտարարությամբ: Հայտարարության մեջ մասնավորապես ասվում է. «Ավարտվում է Արցախի նախագահի ընտրությունների քարոզարշավը: Մենք հարկ ենք համարում անդրադառնալ քարոզարշավի ընթացքում Վիտալի Բալասանյանի անձի դեմ ուղղված անհիմն տեղեկությունների տարածմանը և թեկնածուի վարկաբեկման փորձերին: Գործող նախագահի նախընտրական շտաբի պետը ընտրողների հետ իր հանդիպումներում Բալասանյանի վերաբերյալ տարածել է կեղծ լուրեր և զրպարտություններ, որոնք վկայում են թեկնածու Սահակյանի թիմում առկա խուճապի մասին: Նույն մարտավարությունը շարունակվել է նաև սոցիալական ցանցերում և որոշ մարգինալ լրատվամիջոցներում«: «Մենք դատապարտում ենք նաև Բակո Սահակյանի նկարների զանգվածային պատռելու դեպքերը, ինչպես նաև նրա ծաղրանկարների տարածումը Ստեփանակերտի տարբեր շենքերում: Նման արարքները վայել չեն մեր ժողովրդին և չեն նպաստում քաղաքական մշակույթի ձևավորմանը: Վիտալի Բալասանյանի նախընտրական շտաբը վստահեցնում է, որ քարոզարշավի ընթացքում Բալասանյանը և նրա կողմնակիցները վարել են կոռեկտ և օրինական քարոզարշավ` ներկայացնելով նախընտրական ծրագիրը, քննադատելով առկա քաղաքականությունը և առաջարկելով փոփոխություններ: Ցավով փաստում ենք, որ մրցակից թիմը ոչ մի փաստարկ չկարողացավ բերել մեր քննադատություններին` անցնելով վիրավորանքի և ապատեղեկատվության: Այսօր վերջանում է նախընտրական քարոզարշավը և մենք համոզված ենք, որ Արցախի իմաստուն ժողովուրդը այս ընթացքում կարողացել է տարբերակել ապատեղեկատվությունը իրականությունից և կանի խոհեմ ընտրությունը»,-ասվում է Վիտալի Բալասանյանի նախընտրական շտաբի հայտարարության մեջ:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
