ICES. Ընտրություններն Արցախում համապատասխանում էին միջազգային ընտրական իրավունքի պահանջներին20 հուլիսի 2012 - 12:53 AMT PanARMENIAN.Net - Ընտրակարգերի միջազգային փորձագիտական կենտրոնի՝ ICES-ի դիտորդների պաշտոնական առաքելությունը նախագահական ընտրությունները ԼՂՀ-ում համարում է հանրապետության քաղաքացիների ազատ կամարտահայտման կայացած ժողովրդավարական ակտ, որը համապատասխանում էր միջազհային ընտրական իրավունքի պահանջներին: Այդ մասին հայտարարել է առաքելության ղեկավար Ալեքսանդր Ցինկերը Ստեփանակերտում կայացած մամլո ասուլիսում: Հայտարարության մեջ նշվում, որ ընտրություններն ընդհանուր առմամբ անցան ժողովրդավարական մրցակցային պայքարում, ընտրողների շատ բարձր մասնակցությամբ և համապատասխանում էին միջազգային ընտրական իրավունքի հիմնական սկզբունքներին ու պահանջներին: Դիտորդներն առանձնակի շեշտեցին, որ ընտրատեղամասերում, ինչպես նաև ԿԸՀ արձանագրությունները հանձնելիս արդյունքների կեղծման դեպքեր չեն եղել: Դիտորդները եղել են 52 ընտրատեղամասում: Առաքելությունը նաև գոհունակություն է հայտնել այն փաստի առնչությամ, որ ընտրական գործընթացի ժամանակ ոչ մի անկարգություն տեղի չի ունեցել, ոչ ոք չի փորձել ձախողել քվեարկությունը կամ արդյունքների ամփոփումը: Ըստ Լեռնային Ղարաբաղի Հանրապետության Կենտրոնական ընտրական հանձնաժողովի նախնական տվյալների, նախագահական ընտրություններում մեծ առավելությամբ հաղթել է գործող նախագահ Բակո Սահակյանը, որը հավաքել է 47 085 ձայն կամ քվեների 66,7 տոկոսը: Սահակյանի գլխավոր մրցակից, Արցախի Աժ պատգամավոր, ԼՂՀ Պն նախկին տեղակալ Վիտալի Բալասանյանը հավաքել է 22 966 ձայն կամ 32,5 տոկոս: Հայաստանի Պետական ագրարարային համալսարանի Ստեփանակերտի բաժանմունքի պրոռեկտոր Արկադի Սողոմանյանը ստացել է 594 ձայն կամ քվեների 0,8 տոկոսը: 2007թ. նախագահական ընտրություններում Բակո Սահակյանը հավաքել էր ձայների 85,12 տոկոսը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Միրզոյանն ու Բայրամովը մայիսի 11–ին կշարունակեն բանակցել Մայիսի 10–ին տեղի է ունեցել առաջին փուլը Մայիս Ներսիսյանը ոսկե մեդալ է նվաճել սամբոյի ԵԱ–ում․ ՀՀ-ն 9 մեդալ ունի Ֆեդերացիայի նախագահ Միքայել Հայրապետյանն ընտրվել է Եվրոպայի ֆեդերացիայի փոխնախագահ Փաստաբան․ Ազատի զինկացարանում հրդեհի գործով մեղադրանք է առաջադրվել հերթապահ ժամկետայինի Նա նշել է, որ զոհված 15 զինծառայողի ծնողների հետ միասին մինչև վերջ հետամուտ են լինելու գործի բացահայտմանը Մայիսի 11–ին Երևանում անհնազանդության ակցիաներ են նախատեսված, հանրահավաք չի լինելու Սրբազանը հորդորել է մինչև մյուս ուրբաթ զրույցներ անցկացնել ՔՊ անդամների հետ |