Գարեգին Չուգասզյան. Ռուբեն Հայրապետյանը պետք է զրկվի քաղաքականությամբ զբաղվելու իրավունքից 3 օգոստոսի 2012 - 15:05 AMT PanARMENIAN.Net - Ներկայիս ձևավորվող սերնդի ընդվզումն ու բոյկոտը ցանկացած անարդարության դեմ իշխանությունների ապաշնորհության արդյունքն է: Այսօր Երևանում կայացած մամլո ասուլիսում, խոսելով Վահե Ավետյանի սպանության հարցերի շուրջ հասարակական շարժման վերաբերմունքի զարգացումների մասին, հայտնեց ազգագրագետ, իրավաբան Դավիթ Սանասարյանը: «Դրա վկայություններից մեկը իշխանությունների շատ զուսպ արտահայտություններն են Ռուբեն Հայրապետյանի նկատմամբ: Ես ամենայն պատասխանատվությամբ հայտարարում եմ, որ մենք պայքարելու ենք մինչև վերջ և հասնելու ենք իշխանությունների առջև դրված պահանջների կատարմանը»,- ասաց նա: Ազգագրագետ Հրանուշ Խառատյանն իր հերթին նշեց, որ «Վահե Ավետյան» հասարակական շարժման նախաձեռնող խումբն ամենայն ուշադրությամբ հետևելու է գործի իրավական ընթացքին: «Վահե Ավետյանի սպանությունը մոդել է, բռնության կիրառման օրինակ, մենք պայքարում ենք ոչ միայն Վահե Ավետյանի գործով արդար դատավարության, այլև, առհասարակ, այդ երևույթի դեմ: Մենք եկել ենք այն եզրակացությանը, որ մարդիկ վերջապես ընդվզում են իրենց կյանքի իրավունքի համար, ընդվզում են թե' բարոյապես, թե' իրավական շրջանակներում»,- ասաց նա: «Վահե Ավետյան» հասարակական շարժման նախաձեռնող խմբի անդամ Գարեգին Չուգասզյանն իր հերթին նշեց, որ դա քրեաօլիգարխիկ համակարգի դեմ պայքարի կարևոր օղակներից է: «Մենք պահանջում ենք, որպեսզի Ռուբեն Հայրապետյանը հատուցի զոհվածի ընտանիքին, Վահե Ավետյանին այլևս չենք վերադարձնի, բայց կա նրա այրին և երեխաները, որոնց համար այդ հատուցումը կենսական անհրաժեշտություն է»,- ասաց նա` հավելելով, որ իրենց գլխավոր պահանջների թվում է նաև Ռուբեն Հայրապետյանին այսուհետ քաղաքականությամբ զբաղվելու իրավունքից զրկելը: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Պուտինը հեռախոսազրույց է ունեցել Փաշինյանի հետ և շնորհավորական ուղերձ հղել․ Կողմ ենք, որ հարաբերությունները շարունակեն զարգանալ ՌԴ նախագահը Փաշինյանին շնորհավորել է ծննդյան օրվա առիթով Բագրատ սրբազանի գլխավորած շարժման կողմնակիցներն ավտոերթով ուղևորվել են Գյումրի «Գնում ենք Գյումրի, երեխաներին այցելենք, հետո էլ հանրահավաք ունենք»,–ասել է նա |