Հալեպի բնակչները դուրս են եկել փողոց` «Մենք ցանկանում ենք Բաշարի մահապատիժը» կարգախոսով

PanARMENIAN.Net - Ուրբաթ օրը Հալեպի բնակիչները դուրս են եկել փողոցներ և հրապարակներ` հակակառավարական ցույցերի և հանրահավաքների, գրում է Lenta.ru-ն` հղելով Hurriyet-ին:

Ցուցարարները պահանջում են հաշվեհարդար տեսնել երկրի նախագահ Բաշար Ասադի նկատմամբ: Նրանք դուրս են եկել փողոցներ հետևյալ կարգախոսերով` «Մենք ցանկանում ենք Բաշարի մահապատիժը», «Մենք ազատություն և խաղաղություն ենք ցանկանում»:

Ակցիայի մասնակիցներից մեկը Agence France-Presse- թղթակցին հայտարարել է, որ քաղաքի մեծ մասը կառավարական զորքերից ազատագրելուց հետո, մարդիկ, վերջապես, կարողացել են ցույցերի դուրս գալ և հայտարարել իրենց պահանջների մասին: