  Ինգա Զառաֆյան. Թեժ սարի հանքավայրի շահագործումը կվտանգի Սևանա լճի էկոհամակարգը 18 օգոստոսի 2012 - 13:46 AMT PanARMENIAN.Net - Թեժ սարի հանքավայրի շահագործումը կվտանգի Սևանա լճի էկոհամակարգը: Այդ մասին այսօր Երևանում կայացած մամլո ասուլիսում հայտնեց «Էկոլուր» ՀԿ նախագահ Ինգա Զառաֆյանը: Նա շեշտեց, որ եթե նեֆելինային սիենիտների հանքավայրը շահագործվի, ապա դա լուրջ վնաս կհասցնի Սևանա լճի էկոլոգիային, քանի որ հանքավայրի անմիջական հարևանությամբ են գտնվում լճի ջրահավաք ավազանը կազմող Մարմարիկ և Աղստև գետերն իրենց վտակներով, ինչպես նաև Մարմարիկի ջրամբարը: Մինչդեռ հանքավայրերի շահագործումը թույլատրելի է Սևանի ջրահավաք ավազանից առնվազն 4000մ հեռավորության վրա: «Հանքավայրի շահագործումը լուրջ վտանգ կներկայացնի մեր քաղցրահամ ջրերի պաշարների համար, իսկ դա բնապահպանական աղետի սկիզբը կլինի: Եթե կորցնենք Սևանը, կկորցնենք Հայաստանը: Մենք պետք է կանխենք Թեժ սարի հանքավայրի շահագործումը»,- ասաց նա` հավելելով, որ այս հարցի առնչությամբ կազմակերպվել և կազմակերպվում են հանրային քննարկումներ: Թեժ սարի նեֆելինային սիենիտների հանքավայրը գտնվում է Մեղրաձոր և Արտավազդ գյուղերի միջնամասում, Թեժ սարի արևելյան ու հարավային լանջերին: Հանքավայրի ընդհանուր տարածքը 125հա, այն նախատեսվում է շահագործել բաց եղանակով: Հանքավայրի մոտակա բոլոր ձորակներն ու հարթությունները օգտագործվելու են ջարդիչ-տեսակավորող կայանքի, մակաբացման, բերվածքային ապարների ու պոչամբարների համար:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
