  Սարգիս Գրիգորյան. Սիրիայի ընդդիմության անունից տարածված հայտարարությունը սադրանք է 25 օգոստոսի 2012 - 13:44 AMT PanARMENIAN.Net - Սիրիայի ընդդիմության անունից տարածված հայտարարությունը սադրանք է: Այդ մասին այսօր Երևանում կայացած մամլո ասուլիսում հայտնեց արաբագետ Սարգիս Գրիգորյանը: «Ինչպես գիտենք, ընդդիմությունը Սիրիայի հայ համայնքին սպառնացող հայտարարության տարածումից կարճ ժամանակ անց հերքեց, որ հայտարարության հեղինակն ինքն է: Տարածողը կարող են լինել երկրի իշխանությունները, որպեսզի ինչպես հայ համայնքին, այնպես էլ այլ ազգային փոքրամասնություններին իրենց կողմը գրավեն: Մյուս կողմից չի բացառվում նաև արտաքին ուժի, մասնավորապես Թուրքիայի մասնակցությունն այդ սադրանքին` երկրի ներսում տիրող իրադրությունն առավել սրելու նպատակով»,- նկատեց նա: Արաբագետի խոսքով` արևմտյան երկրները ակտիվորեն չեն միջամտում, քանի որ դեռևս ժամանակը չէ. նրանք սպասում են իրավիճակի առավել սրմանը: «Ինչ վերաբերում է Սիրիայի հայ համայնքին, ապա այն շատ կազմակերպված է և, ամենայն հավանականությամբ, դժվար թե պառակտվի, երբ քաղաքական հակամարտությունն ավարտվի: Բայց պետք է նշեմ, որ սիրիահայ համայնքը, մեծ թիվ կազմելով երկրի երկու խոշորագույն քաղաքներում` Դամասկոսում և Հալեպում, մշտապես հակամարտող կողմերի ուշադրության կենտրոնում է լինելու: Համայնքը չեզոքություն է պահպանում, սակայն իշխանությունն ու ընդդիմությունը պարբերաբար փորձելու են յուրաքանչյուրն իրենց կողմը գրավել բնակչության այդ հատվածին»,- նշեց Գրիգորյանը:
  Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր ՄԻՊ աշխատակազմը մայիսի 9-ին արտակարգ ռեժիմով է աշխատելու  Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումըԱդրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար»Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերովՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |
