Հունգարացի դիվանագետն Ադրբեջանի գործողությունները խարդախություն է անվանել 4 սեպտեմբերի 2012 - 12:36 AMT PanARMENIAN.Net - Նորվեգիայի հայերը, ովքեր սեպտեմբերի 3-ին հավաքվել են Օսլոյում Հունգարիայի դեսպանատան մոտ, պահանջել են հունգարական կառավարությունից ներողություն խնդրել հայ սպա Գուրգեն Մարգարյանին սպանած ադրբեջանի զինծառայող Ռամիլ Սաֆարովին Ադրբեջանին արտահանձնելու համար: Ներողությունների պահանջով նամակը հանձնվել է Հունագարիայի դեսպան Գեզա Եսենսկուն, ով հավաստիացրել է, որ այն կհանձնի կառավարությանը: Ինչպես հաղորդում է Նորվեգիայի Հայկական մշակութային ասոցիացիան, դեսպան Եսենսկին ընդունել է բողոքի ակցիայի մասնակիցներից երկու պատվիրակների և նրանց հետ քննարկել ստեղծված իրավիճակը: Դիվանագետն աջակցություն է հայտնել հայ ժողովրդին և հայտարարել, որ հունգարական կառավարությունը հիասթափված է Ադրբեջանի գործողություններից, որոնք նա անվանել է «խարդախություն»: Գեզա Եսենսկին նաև ցույց է տվել Ադրբեջանի արդարադատության փոխնախարարի նամակի պատճենը, որում երաշխիքներ են տրվել, որ Սաֆարովը կշարունակի պատիժ կրել հայրենիք տեղափոխվելուց հետո: Նա նաև հաղորդել է, որ Հունգարիայում Ադրբեջանի դեսպանը կանչվել է հունգարական ԱԳՆ բացատրություններ տալու համար և նրան հանձնվել է բողոքի նոտա` նրա երկրի անազնիվ գործողությունների հետ կապված: Օրերս Սաֆարովն արտահանձնվել է Ադրբեջանին, որտեղ նրան ներում և մայորի կոչում, բնակարան և 8 տարվա աշխատավարձ է շնորհվել երկրի նախագահի կողմից: Ի պատասխան դրան, Հայաստանը խզել է դիվանագիտական հարաբերությունները Հունգարիայի հետ: Մինչդեռ հունգարական կողմը հայտարարում է, որ Ադրբեջանն ավելի վաղ երաշխավորել է, որ Սաֆարովի ցմահ ազատազրկման վերաբերյալ դատավճիռը կարող է փոփոխվել դատարանի միջոցով` դատավճիռը 25 տարի կրելուց հետո միայն: Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Օլիմպիական խաղերի վարկանիշ նվաճած մարզիկներն ամսական 1 մլն դրամ նպաստ կստանան Ծրագիրը կշարունակվի մինչև Օլիմպիական խաղերի ավարտը Կառավարությունը` Գեղարքունիքում որոշ պաշտպանական դիրքեր հանձնելու խոստման մասին․ Կեղծիք է Մայիսի 30–ին լրատվամիջոցներում նման տեղեկություն է տարածվել ԱԺ նախագահի գլխավորած պատվիրակությունը կմեկնի Սլովենիա ԱԺ նախագահը գործուղման մասին կարգադրություն է ստորագրել Բագրատ սրբազանը՝ Փաշինյանի հետ հանդիպման կարգի մասին․ Ես էլ գիտեմ ընթակարգ կա, կայցելեմ կալանավայր «Նայեք, այս շենքն ինքն արդեն կալանավայրի է վերածել, ոստիկանական շերտերը տեսեք»,–ասել է նա |