 Սերժ Սարգսյանն ընդունել է Թուրքմենստանի փոխվարչապետ Սապարդուրի Տոյլիևի գլխավորած պատվիրակությանը 6 սեպտեմբերի 2012 - 22:10 AMT PanARMENIAN.Net - Նախագահ Սերժ Սարգսյանն այսօր ընդունել է Թուրքմենստանի փոխվարչապետ Սապարդուրի Տոյլիևի գլխավորած պատվիրակությանը, հաղորդում է նախագահի մամուլի ծառայությունը: Հանրապետության ղեկավարը Թուրքմենստանի փոխվարչապետի այցը և դրա շրջանակներում Երևանում հայ-թուրքմենական միջկառավարական հանձնաժողովի նիստի անցկացումը համարել է երկկողմ կապերի ամրապնդմանն ուղղված փոխադարձ հետաքրքրվածության հաստատում: Սերժ Սարգսյանն ընդգծել է, որ Թուրքմենստանի հետ քաղաքական երկխոսության ակտիվացումը, առևտրատնտեսական հարաբերությունների զարգացումն ու հումանիտար կապերի ընդլայնումը բխում են երկու բարեկամ ժողովուրդների շահերից: Նախագահը վերահաստատել է Հայաստանի պատրաստակամությունը՝ խորացնելու և զարգացնելու այդ հարաբերությունները: Փոխվարչապետ Սապարդուրի Տոյլիևն արդյունավետ է համարել միջկառավարական հանձնաժողովի երևանյան նիստի աշխատանքը, որտեղ նրա խոսքով, քննարկվել են մի շարք ոլորտներում երկարաժամկետ և փոխշահավետ համագործակցությանն ուղղված հարցեր: Զրուցակիցները համակարծիք են եղել, որ հայ-թուրքմենական տնտեսական հարաբերությունների ներկա մակարդակը չի համապատասխանում քաղաքական բարձր մակարդակի հարաբերություններին և, նրանց համոզմամբ, կողմերն այդ ուղղությամբ զգալի աշխատանք ունեն իրականացնելու:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
