ԱԱ ընտրական փուլում Հայաստանի ֆուտբոլի հավաքականը մեկնարկեց հաղթանակով  7 սեպտեմբերի 2012 - 23:52 AMTPanARMENIAN.Net - Հայաստանի ֆուտբոլի ազգային հավաքականն աշխարհի 2014 թվականի առաջնության ընտրական փուլում մեկնարկեց Մալթայի դեմ արտագնա խաղով: Վալետայի «Տա Կալի» մարզադաշտում Հայաստանի ընտրանին վաստակեց առաջին երեք միավորը: Ինչպես և առաջին խաղակեսում, երկրորդում ևս հայ ֆուտբոլիստները գործում էին ակտիվ և ամեն ինչ անում էին, որպեսզի գրավեն մրցակցի դարպասը: 51-րդ րոպեին նախ կարող էր գոլի հեղինակ դառնալ Մարկոս Պիզելլին, ապա հնարավորութունը ձեռքից բաց թողեց Հենրիկ Մխիթարյանը: Ի տարբերություն առաջին կեսի, Մալթայի ֆուտբոլիստները մեկնարկային րոպեներին սկսեցին գործել ավելի վստահ, պահում էին գնդակը և մի քանի անգամ անհանգստացրին Հայաստանի պաշտպաններին: Սակայն հայ ֆուտբոլիստներն ու գլխավոր մարզիչ Վարդան Մինասյանը շարունակեցին պայքարել: Մինասյանը խաղադաշտ դուրս բերեց Արթուր Սարկիսովին, վերջինս էլ 70-րդ րոպեին Յուրա Մովսիսյանի գեղեցիկ փոխանցումից հետո բացեց խաղի հաշիվը` 1:0: Գոլ խփելուց հետո Հայաստանի ընտրանին ավելի հանգիստ ու ազատ սկսեց գործել, իսկ մրցակիցը պատասխանում էր միայն խախտում կատարելով: Վերջին հինգ րոպեների ընթացքում հայերը կարող էին ևս մի քանի անգամ գրավել մրցակցի դարպասը, սակայն այդպես էլ չկարողացան: Հայաստանի հավաքականը, չնայած բավականին դժվարությամբ, բայց կարողացավ նվազագույն` 1:0 հաշվով, հաղթանակ տոնել Մալթայի նկատմամբ: Հայաստանի հավաքականը ընտրական փուլում վաստակեց առաջին երեք միավորները: Հաջորդ հանդիպումը հայկական թիմը կանցկացնի սեպտեմբերի 11-ին, իսկ մրցակիցը կլինի Բուլղարիան:   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
