 Փակ շուկայի վերգետնյա մասի վերականգնման նախագիծը պատրաստ է 14 սեպտեմբերի 2012 - 17:35 AMT PanARMENIAN.Net - Փակ շուկայի վերգետնյա մասի վերականգնման նախագիծը պատրաստ է: Այդ մասին այսօր կայացած մամլո ասուլիսում հայտնեց Երևանի գլխավոր ճարտարապետ Նարեկ Սարգսյանը: «Փակ շուկան` որպես պատմամշակութային հուշարձան քաղաքապետարանի և մշակույթի նախարարության կողմից խիստ վերահսկվում է: Շուկայի վերականգնման նախագիծն արդեն պատրաստ է և քննարկվել է մշակույթի նախարարությունում, տրվել է դրական եզրակացություն: Սեպտեմբերի 20-ին նախագիծը կքննարկվի Երևանի քաղաքապետարանում»,- հաղորդեց նա: Անդրադառնալով ՀՀ արդարադատության նախարարության այրված շենքին` ճարտարապետը հայտնեց, որ դրա տեղում, ամենայն հավանականությամբ, կկառուցվի վարչական շենք, որտեղ կարող են տեղ գտնել ինչպես արդարադատության, այնպես էլ սփյուռքի, հնարավոր է նաև արտաքին գործերի նախարարությունները և այլ կառույցներ: Նարեկ Սարգսյանը խոսեց նաև Երևանի պետական կրկեսի շենքի մասին` նշելով, որ դրա պայթեցումը հարկադրված քայլ էր: «Սկզբում պայթեցվեց գմբեթը, և նախատեսվում էր շենքը վերակառուցել կմախքի հիման վրա: Սակայն ուսումնասիրությունները ցույց տվեցին, որ կմախքը այլևս ի վիճակի չէր նոր շինարարական աշխատանքներ կրել: Բոլոր մասնագետները համաձայնեցին, որ ավելի լավ կլինի հիմնովին վերակառուցել կրկեսը»,- նշեց նա:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
