  ՆՓԱԿ-ում կբացվի «9 արտիստ+20 տարի» խմբակային ցուցահանդես 17 սեպտեմբերի 2012 - 13:49 AMT PanARMENIAN.Net - Սեպտեմբերի 18-ին` ժամը 17:00-ին, Նորարար փորձառական արվեստի կենտրոնում (ՆՓԱԿ) կբացվի «9 արտիստ+20 տարի» խմբակային ցուցահանդեսը: 45 արվեստագետների մասնակցությամբ հայ ժամանակակից արվեստի ցուցահանդեսի կազմակերպիչ-համադրողն է Սոնիա Պալասանյանը` համադրողներ Արման Գրիգորյանի, Սոնա Աբգարյանի, Գագիկ Ղազարէի և Վահրամ Ակիմյանի աջակցությամբ: Ցուցահանդեսի շրջանակում նախատեսված են մի քանի միջոցառումներ: Այդպես սեպտեմբերի 25-ին` ժամը 18:30-ին, տեղի կունենա LSD ձայնային արվեստի միության և Վարդան Հարությունյանի բացօթյա համերգը ՆՓԱԿ-ի մուտքի մոտ: Համերգը ավանգարդ էքսպերիմենտալ ձայնաինստալյացիոն ծրագիր է, որը կրում է «Կանխատեսումներ» խորագիրը: Սեպտեմբերի 26-ին` ժամը 19:00-ին, կցուցադրվի «Գիլան, կարկուտից հետո» վավերագրական ֆիլմը: Կինոնկարի ռեժիսորը, սցենարիստն ու մոնտաժողը Արթուր Սախկալյանն է: Իսկ սեպտեմբերի 29-ին` ժամը 15:00-ին, ՆՓԱԿ-ում տեղի կունենա Հեղինակային տեքստի փառատոն: Հայ ժամանակակից գրականության շուրջ 15 ներկայացուցիչներ հանդես կգան հեղինակային ընթերցումներով: Ինչպես նշում է Սոնիա Պալասանյանը, ցուցահանդեսը նպատակ ունի անցնել աշխարհաքաղաքական սահմաններն ու վավերագրել տարբերությունները: «Այն մարտահրավեր է քաղաքական գաղափարախոսությունների, քաղաքականության բնույթի անընդհատ փոփոխության և առօրյա կյանքի աճող անկայունության դեմ… Մենք չենք ուզում կորցնել հիշողությունները, մեր կապը անցյալի հետ, նրա ճանաչումն ու ընկալումը…»,- ասում է նա: Ցուցահանդեսը բաց կլինի մինչև հոկտեմբերի 27-ը:   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
