  Սևաստոպոլի 2-րդ միջազգային կինոփառատոնի լավագույն լիամետրաժ դեբյուտ է ճանաչվել Արտակ Իգիթյանի ֆիլմը 19 սեպտեմբերի 2012 - 15:04 AMT PanARMENIAN.Net - Սևաստոպոլի 2-րդ միջազգային կինոփառատոնն ամփոփել է արդյունքները: Կինոփառատոնի մրցույթի մեջ մտել են կինոնկարներ, որոնք հաջողությամբ ցուցադրվել են աշխարհի ամենահեղինակավոր փառատոններում` Ուես Անդերսոնի «Լիալուսնի թագավորությունը», Կառլ Մարկովիցի «Շնչառությունը», Ռենատ Գազիզովի «Քաջարի զինվոր Շվեյկի արկածները» անիմացիոն ֆիլմը, Ալեքսեյ Բալաբանովի «Ես էլ եմ ուզում», Գեորգի Փարաջանովի «Բոլորը գնացել են», Միխայել Հանեկեի «Սերը» և այլն: Հիմնական մրցույթի ժյուրին գլխավորել է կինոպրոդյուսեր Մարկ Բիկինդոուն ԱՄՆ-ից, ով ասել է մամլո ասուլիսում, որ մեծ հաճույքով է ընդունել այդ առաջարկը: Դեբյուտների մրցույթի ժյուրին գլխավորել է ռուս դերասանուհի Տատյանա Լյուտաևան: Այն կազմված է եղել տարբեր երկրների 20 ֆիլմերից: Լավագույն լիամետրաժ դեբյուտ ֆիլմի համար մրցանակը հանձնվել է Արտակ Իգիթյանի «Վանա ծովուն արշալույսը» կինոնկարին (Հայաստան/Ֆրանսիա): Մրցանակը հանձնելով ռեժիսորին` ժյուրիի նախագահ Տատյանա Լյուտաևան ասել է, որ այդ ֆիլմը դիտելուց հետո, որը շատ սրտառուչ և քնքշությամբ պատմում է ընտանեկան արժեքների մասին, նա ցանկացել է շտապ զանգահարել դստերը և փաղաքշել որդուն, ում հետ ժամանել է կինոփառատոն: Հիմնական մրցույթի ժյուրիի հատուկ մրցանակը հանձնել են Ալեքսեյ Ֆեդորչենկոյին «Այն աշխարհը» ֆիլմի համար: Լավագույն ռեժիսուրայի համար մրցանակին արժանացել է ամերիկացի Ուես Անդերսոնը «Լիալուսնի թագավորությունը» ֆիլմի համար: Փառատոնի գրան-պրին ստացել է Միխայել Հանեկեի «Սերը» ֆիլմը:   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
