  «Զվարթնոցը» որոշել է մինչև սեպտեմբերի 24-ը վերականգնել «Արմավիայի» չվերթերի սպասարկումը  20 սեպտեմբերի 2012 - 19:56 AMTPanARMENIAN.Net - Թեպետ «Արմավիա» ավիաընկերությունը սեպտեմբերի 20-ին չկատարեց վճարում և չնվազեցրեց կուտակած պարտքը, «Արմենիա Միջազգային Օդանավակայաններ» ՓԲԸ-ն ուղևորների շահից ելնելով, ինչպես նաև, հաշվի առնելով, ՀՀ անկախության առաջիկա տոնակատարությունները, որոշեց ժամը 18:00-ից վերականգնել Արմավիայի չվերթերի սպասարկումը: Չվերթերի սպասարկումը կդադարեցվի սեպտեմբերի 24-ին, երկուշաբթի օրը, եթե մինչ այդ չլինեն վճարման և պարտքի նվազեցման հստակ երաշխիքներ: «Զվարթնոց» միջազգային օդանավակայանը դեռևս սեպտեմբերի 19-ի երեկոյան կրկին կասեցրել է «Արմավիա» ավիաընկերության չվերթների սպասարկումը կուտակված պարտքերի պատճառով: Այնուամենայնիվ, ազգային ավիափոխադրողին թույլատրվել է իրականացնել թռիչքները ուղևորներին անհանգստություն չպատճառելու համար: Սակայն սեպտեմբերի 20-ի առավոտից օդանավակայանը չի սպասարկում «Արմավիայի» չվերթները: Իր հերթին «Արմավիա» ազգային ավիափոխադրողը տարածել է հայտարարություն, համաձայն որի տոնական օրերը, ինչպես նաև երկուշաբթին, ոչ աշխատանքային էին, ուստի «Զվարթնոց» օդանավակայանին «Արմավիայի» ընթացիկ պարտքերի վճարումը ժամանակին չի կատարվել: Նման հայտարարություն է տարածել ազգային ավիափոխադրող «Արմավիա» ավիաընկերությունը:«Այդ վճարումը հնարավոր է միայն 2-3 օրվա ընթացքում, այլապես անհնար է: Ուստի դա օդանավակայանի կողմից նախազգուշացում է: Իսկ այսօր տոների նախաշեմին օդանավակայանը ցանկանում է, որպեսզի «Արմավիան» կանխավճար կատարի, քանի որ հաջորդ օրերը կրկին ոչ աշխատանքային են լինելու: Դա նույնպես անհնար է, իսկ ազգային ավիափոխադրողին Անկախության տոնի նախաշեմին նման կերպ նախազգուշացնելը (ուշացումներով և ուղևորների համար անհարմարություններով) սխալ է»,- ասվում է ընկերության հայտարարությունում:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
