Զարուհի Փոստանջյան. Հոկտեմբերի 1-ի ընտրությունները կարևոր են վիրահայերի և Չախալյանի գործի համար![]() 28 սեպտեմբերի 2012 - 17:31 AMT PanARMENIAN.Net - Ընդդիմադիր «Ժառանգության» խորհրդարանական խմբակցության անդամ Զարուհի Փոստանջյանը կարևորում է Հայաստանի կողմից ակտիվ գործողությունների ձեռնարկումը Վրաստանում դատապարտված հայ ակտիվիստ Վահագն Չախալյանին ազատ արձակելու համար: «Ես, որպես Հայաստանի քաղաքացի, և քաղաքական գործիչ, ինչպես նաև որպես իրավաբան, գտնում եմ, որ Չախալյանի հետապնդումն ու դատապարտումը 10 տարվա ազատազրկման քաղաքական բնույթ է կրում»,-հայտարարել է նա Երևանում մամլո ասուլիսի ժամանակ: Ըստ նրա, նա դեռ կոնկրետ չգիտի, թե ինչ կարվի Չախալյանի գործով ԵԽԽՎ-ում, հաշվի առնելով հագեցած օրակարգը, և այն, որ Վրաստանի հարցը չկա օրակարգում: Ըստ նրա, այդ հարցը պետք է բարձրացնել նաև այլ միջազգային ատյաններում՝ հավելելով, որ մտադիր է դա անել Եվրոպական ժողովրդական կուսակցությունում: Փոստանջյանը գտնում է, որ հոկտեմբերի 1-ի խորհրդարանական ընտրությունները Վրաստանում կարևոր են վիրահայերի և Չախալյանի գործի համար: «Մեզ համար շատ կարևոր է, որ մեր հարևանները ժողովրդավարական պետություններ լինեն…Կարևոր չէ, թե ով կհաղթի, կարևոր է, թե ինչպես կհաղթի»,-ասել է նա: Վահագն Չախալյանը ձերբակալվել է 2008թ. հուլիսի 21-ին և դատապարտվել է 10 տարվա ազատազրկման: Չախալյանի գործն այժմ քննարկման փուլում է Ստրասբուրգի Մարդու իրավունքների եվրոպական դատարանում: ![]() ![]()
Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին
Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին ![]() ![]() ![]() | ![]() ![]() ![]() ![]() ![]() ![]() ![]() ![]() |