Անդրեյ Բոկով. Շատ անելիքներ ունենք միջազգային մոտեցումները քաղաքաշինական ծրագրերում ներդնելու առումով 6 հոկտեմբերի 2012 - 12:56 AMT PanARMENIAN.Net - Երևանի քաղաքապետ Տարոն Մարգարյանը հանդիպել է Երևանում հոկտեմբերի 4-7-ը անցկացվող Ճարտարապետների միությունների միջազգային ասոցիացիայի կոորդինացիոն խորհրդի նիստի անդամներին: Ողջունելով հյուրերին քաղաքապետը նախ նկատել է, որ ԽՍՀՄ փլուզումից հետո ձևավորված ասոցիացիան նախկին սոց երկրների ճարտարապետների միջև առկա կապերի պահպանման առումով իսկապես անհրաժեշտություն էր և անցած 20 տարիները մեկ անգամ չէ, որ փաստել են դա: «Վստահ եմ` մեր երկրների ընդհանուր անցյալը ևս մեկ կարևոր խթան կարող է հանդիսանալ, որպեսզի համատեղ ուժերով փորձենք մեր երկրների քաղաքաշինական ծրագրերում կիրառել միջազգային լավագույն փորձը` այն համադրելով առկա ճարտարապետական դիմագծի հետ: Ու քանի որ այս տեսանկյունից մեր բոլորի քաղաքաշինական խնդիրները գրեթե նույնական են, կարծում եմ` սերտ փոխգործակցությունը կարող է բավականին լավ արդյունքներ բերել» - նշել է Տարոն Մարգարյանն ու օգտվելով առիթից շնորհավորել ներկաներին ասոցիացիայի ձևավորման 20-ամյակի ու ճարտարապետների միջազգային օրվա կապակցությամբ, հայտնում են քաղաքապետարանի հասարակության և լրատվության հետ կապերի վարչությունից: ՌԴ ճարտարապետների միության նախագահ Անդրեյ Բոկովն իր հերթին նշել է, որ կիսում է Տարոն Մարգարյանի կարծիքն ու իր գործընկերների անունից նաև վստահեցրել, որ կարվի հնարավորը, որպեսզի փոխգործակցությունը դառնա առավել առարկայական ու շոշափելի: «Մենք իրոք շատ անելիքներ ունենք միջազգային արդյունավետ մոտեցումները քաղաքաշինական մեր ծրագրերում ներդնելու առումով: Սերտ փոխգործակցության արդյունքում մենք շատ ավելի հեշտ կկարողանանք հասնել դրան» - նշել է Բոկովը: Տարոն Մարգարյանը նաև շնորհավորել է Հայաստանի ճարտարապետների միության նախագահ Մկրտիչ Մինասյանին` ռոտացիոն կարգով Ճարտարապետների միությունների միջազգային ասոցիացիայի նախագահի պաշտոնում ընտրվելու կապակցությամբ: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ ԵՄ-ն 3․5 մլն եվրո է փոխանցել ՀՀ-ին արդարադատության ոլորտի բարեփոխումների համար Նշվում է, որ փոփոխությունները կիրառելու համար անհրաժեշտ է հետագա համապարփակ և համակարգային քաղաքականություն |