ԱԻԲԱ-ն գերազանց է գնահատել Երևանում կայանալիք երիտասարդների ԱԱ նախապատրաստական ընթացքը10 հոկտեմբերի 2012 - 19:25 AMT PanARMENIAN.Net - Բռնցքամարտի երիտասարդների աշխարհի առաջնության նախապատրաստական աշխատանքները գերազանց են գնահատել ԱԻԲԱ համակարգող կոմիտեի անդամները, որոնք երկօրյա աշխատանքային այցով գտնվում էին Երևանում: Նոյեմբերի 25-ից դեկտեմբերի 8-ը Երևանը հյուրընկալելու է բռնցքամարտի երիտասարդների աշխարհի առաջնության մասնակիցներին: Համակարգող կոմիտեն ԱԻԲԱ ներկայացուցիչներից ձևավորված աշխատանքային խումբ է, որը նախապատրաստական աշխատանքներից սկսած մինչև առաջնության ավարտը հետևելու է, որպեսզի այս սպորտային միջոցառումն ընթանա ԱԻԲԱ ավանդույթներին և չափանիշներին համապատասխան, PanARMENIAN.Net ին հաղորդել են Հայաստանի բռնցքամարտի ֆեդերացիայից: Կոմիտեի անդամները` ԱԻԲԱ սպորտային տնօրեն Էմելին Գերբելը, տեխնիկական պատվիրակ Դեյվիդ Ֆրանսիզը և ԱԻԲԱ-ի տվյալների բազայի մենեջեր Ֆիլիպ Յուն, այս օրերի ընթացքում հանդիպումներ ունեցան ՀՀ Սպորտի եվ երիտասարդության հարցերի նախարարության, Օլիմպիական կոմիտեի և բռնցքամարտի ֆեդերացիայի ղեկավարության հետ: Հյուրերն այցելել են այն մարզասրահները, որտեղ առաջնության օրերին մարզիկները մարզվելու են, ուսումնասիրել են հյուրանոցային պայմանները, ծանոթացել ինչպես մարզահամերգային համալիրի շենքային հնարավորությունների, այնպես էլ համալիրում այս պահին ընթացող աշխատանքներին: «Այս կարճ ժամանակահատվածում իրականացված նախապատրաստական աշխատանքները հիմք են տալիս ակնկալելու, որ առաջնությունը Երևանում կանցկացվի պատշաճ մակարդակով»,- գոհունակությամբ նշել են ԱԻԲԱ համակարգող կոմիտեի անդամները: Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |