ՀԿԵ տնօրենը Սևծովյան տարածաշրջանի երկաթուղիների գագաթնաժողովին ներկայացրել է ՀՀ երկաթուղիների զարգացման հեռանկարները12 հոկտեմբերի 2012 - 10:57 AMT PanARMENIAN.Net - «Հարավկովկասյան երկաթուղի» ՓԲԸ գլխավոր տնօրեն Վիկտոր Ռեբեցը մասնակցեց հոկտեմբերի 9-10 Բուխարեստում անցած 2012 թվականի Երկաթուղիների օրերին` ընդլայնված Սևծովյան տարածաշրջանի երկաթուղիների ներդրումների հարցերով գագաթնաժողովի աշխատանքներին: Միջոցառման շրջանակներում ՀԿԵ-ի ղեկավարը մասնակիցներին ծանոթացրեց Ընկերության գործունեության հիմնական նպատակներին և խնդիրներին, ներդրումային քաղաքականությանը, Հայաստանի երկաթուղային համակարգի՝ որպես Եվրոպա-Կովկաս-Ասիա տրանսպորտային միջացքի օղակի հնարավորություններին: Ինչպես հաղորդել է ընկերության մամուլի ծառայությունը, Վիկտոր Ռեբեցը նաև ներկայացրեց Վանաձոր-Ֆիոլետովո հատվածի, Իրան-Հայաստան երկաթուղու, հայ-թուրքական սահմանում գտնվող Ախուրյան կայարանում միջազգային լոգիստիկ կենտրոնի բացման հեռանկարները: ՀԿԵ-ի գլխավոր տնօրենն երկկողմանի հանդիպումներ ունեցավ Ռումինիայի տրանսպորտի և ենթակառուցվածքի նախարար Օվիդիու Իոանն Սիլագիի (Ovidiu Ioan Silaghi) և Երկաթուղիների միջազգային միության գլխավոր տնօրեն Ժան Պիեր Լուբինուի (Jean-Pierre Loubinoux) հետ: Վիկտոր Ռեբեցը ծանոթացել է նաև ռումինական երկաթուղում գործող փոխադրումների գործընթացին և դիագնոստիկ համակարգին, երկաթբետոնե կոճղերի և ռելսերի ամրացումների նոր տեսակներին, տարանցիկ երթուղիների ձևավորման հնարավորություններին: Մի շարք ռումինական մեքենաշինական ձեռնարկություններին հետաքրքրեցին Հայաստան շարժակազմի մատակարարման հեռանկարները: Երկկողմանի հանդիպումների շրջանակներում հայկական և ռումինական կողմի ներկայացուցիչները համագործակցության զարգացման պատրաստակամություն հայտնեցին: 2012 թվականի Երկաթուղիների օրերը՝ ընդլայնված Սևծովյան տարածաշրջանի երկաթուղիների ներդրումների հարցերով գագաթնաժողովն անցել է Եվրոպական երկաթուղային ընկերությունների միության (CER) և Եվրոպական երկաթուղային արդյունաբերության ընկերությունների միության (UNIFE) հովանու ներքո: Միջոցառմանը մացնակցել են 300-ից ավել պատոիրակներ ավելի քան 50 երկրներներից: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ ՌԴ մասնագետները երկաթուղու ջրալցված հատվածների մանրազնին հետազոտություն են իրականացնում Ներկայում իրականցվում է էլեկտրաենթակայանների չորացում, վերականգնվում է վնասված կայանների էլեկտրամատակարարումը |