  ՀԱՅԱՍՏԱՆԻ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆԸ ՀԱՍՏԱՏԵԼ Է ԱԴՐԲԵՋԱՆԱԿԱՆ ԿՈՂՄԻՑ ՀԱՅ ԶԻՆԾԱՌԱՅՈՂԻՆ ԳԵՐԵՎԱՐԵԼՈՒ ՄԱՍԻՆ ՏԵՂԵԿԱՏՎՈՒԹՅՈՒՆԸ 7 ապրիլի 2005 - 13:22 AMT PanARMENIAN.Net - Հայաստանի պաշտպանության նախարարությունում հաստատել են ադրբեջանական կողմից ՀՀ Նոյեմբերյանի շրջանի զորամասերից մեկում ծառայող հայ զինվորին գերեվարելու մասին տեղեկատվությունը, տեղեկացնում է «Արմինֆո» գործակալությունը: Հայաստանի պաշտպանության նախարարության մամուլի քարտուղար Սեյրան Շահսուվարյանի խոսքերով` ներկայումս արվում է ամեն ինչ զինծառայողին վերադարձնելու համար: «Նախարարն անձամբ զբաղվում է այդ հարցով»,- ավելացրել է նա: Հիշեցնենք, որ նախօրեին Ղարաբաղյան հակամարտության գոտում անհայտ կործաների, պատանդների հայտնաբերման եւ գերիների ազատման հարցերով միջազգային աշխատանքային խումբը տեղեկատվություն է տարածել` ապրիլի 1-ին հայ զինոր Տ.Զ.-ին գերեվարելու մասին, որը ծնվել է 1985 թվականին Նոյեմբերյանի շրջանում: Սեյրան Շահսուվարյանը նաեւ տեղեկացրել է հայ զինվորի գերեվարման հանգամանքները: Նախարարի մամուլի քարտուղարի խոսքերով` ծառայողը ինքնակամ հեռացել է զորամասից եւ մոլորվել: Զինվորին փնտրելու գործողությունների արդյունքում պարզվել է, որ նա ճանապարհվել է ոչ ճիշտ ուղղությամբ, եւ արդյունքում գերի է վերցվել: Զորամասից ինքնակամ բացակայելն է վկայում նաեւ այն հանգամանքը, որ զինվորը զինված չի եղել: «Այնպես որ, ադրբեջանական տարբերակը իբր թե դիվերսիոն խմբի գործունեության մասին իրականությանը չի համապատասխանում»,- ընդգծել է Ս.Շահսուվարյանը:  Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ   Ամենաընթերցվողը բաժնում |  Վերջին լուրեր Գեղասահորդուհի Սոֆյա Տիտովան կներկայացնի Հայաստանը․ Նա ՀՀ քաղաքացիություն է ստացել  Նա մարզվում է Եվգենի Պլյուշչենկոյի ակադեմիայումՌուսական Առաջին ալիքի հեռարձակումը վերսկսվել է․ Պարտքը մարվել է «Հաջորդ օրը Առաջին ալիքն ամբողջությամբ վճարեց պարտքը»,–ասել է ՀայրապետյանըՄԻՊ․ Անթույլատրելի է որևէ պարագայում ոստիկանության կողմից անհամաչափ ուժի կիրառում ՄԻՊ արագ արձագանքման խումբ է մեկնել ոստիկանության Կենտրոնական բաժինՌԴ ՊՆ ղեկավար․ Հատկապես մտահոգիչ են Վաշինգտոնի և Բրյուսելի պլանները մեր հայ գործընկերների մասով Նա հավելել է, որ «Հայաստանին ու Ադրբեջանին հակասությունների կարգավորման համար պարտադրվում են միջնորդական ջանքեր» |
