Աժ-ում քննարկեցին խաղատների` Սևան, Ջերմուկ և Ծաղկաձոր տեղափոխելու ժամկետի երկարաձգման օրինագիծը25 հոկտեմբերի 2012 - 23:06 AMT PanARMENIAN.Net - Հոկտեմբերի 25-ին Ազգային ժողովը շարունակել է քառօրյա նիստերի աշխատանքը և քվեարկությամբ ընդունել նախորդ օրը քննարկված օրինագծերը: ՀՀ ֆինանսների փոխնախարար Վարդան Արամյանն առաջին ընթերցման ընթացակարգով խորհրդարանի քննարկմանն է ներկայացրել «Շահումով խաղերի և խաղատների մասին» ՀՀ օրենքում փոփոխություններ և լրացումներ կատարելու և Հայաստանի Հանրապետության 2010 թվականի ապրիլի 27-ի ՀՕ-54-Ն օրենքը չեղյալ ճանաչելու մասին» և դրա հետ կապված այլ օրենքներում առաջարկվող փոփոխությունների փաթեթը, հայտնում է ԱԺ մամուլի ծառայությունը: Փոխնախարարի տեղեկացմամբ՝ Հայաստանում խաղային բիզնեսի բնագավառում ՀՀ կառավարության կողմից իրականացվող բարեփոխումների շրջանակներում 2010 թվականին ընդունվել է «Շահումով խաղերի և խաղատների մասին» ՀՀ օրենքում փոփոխություն և լրացումներ կատարելու մասին» ՀՀ օրենքը, որի համաձայն` ՀՀ-ում խաղատների գործունեությունը 2013 թվականի հունվարի 1-ից կազմակերպվելու է միայն Սևան, Ջերմուկ և Ծաղկաձոր քաղաքներում: Սակայն, ըստ Վարդան Արամյանի, խաղային բիզնեսի ներկայացուցիչների հետ տեղի ունեցած հանդիպումների և քննարկումների արդյունքում ի հայտ են եկել մի շարք խնդիրներ, որոնց հաղթահարումը խաղային բիզնեսի կազմակերպիչների կողմից ներկայիս պայմաններում դառնում է անհնար: Նշվել է, որ առաջարկվում է ՀՀ-ում գործող խաղատների` Սևան, Ջերմուկ և Ծաղկաձոր քաղաքներ տեղափոխելու ժամկետը երկարաձգել մինչև 2014 թվականի հունվարի 1-ը` գործող ժամկետի` 2013 թվականի հունվարի 1-ի փոխարեն: Փոխնախարարի կարծիքով՝ նախագծերի ընդունումը թույլ կտա խուսափել ՀՀ պետական բյուջեի եկամուտների նվազումից, ինչպես նաև խաղային բիզնեսի բնագավառում աշխատատեղերի քանակի էական կրճատումից: Գլխադասային՝ ԱԺ տնտեսական հարցերի մշտական հանձնաժողովի դրական եզրակացությունը ներկայացնելով՝ հանձնաժողովի նախագահի տեղակալ Միքայել Մելքումյանը կոչ է արել կողմ քվեարկել օրինագծերի փաթեթին: Քննարկվող հարցի վերաբերյալ տեսակետներ են հայտնել ԱԺ պատգամավորները: Աղվան Վարդանյանի կարծիքով՝ չկա որևէ երաշխիք, որ մեկ տարի հետո ոլորտում իրավիճակը կփոխվի,և Երևանը կրկին չի գտնվի խաղատների շրջափակման մեջ: Ըստ Արծվիկ Մինասյանի՝ պետք է հասկանալ, թե որքանով է կառավարության կողմից ոլորտում առաջարկվող և հաստատվող քաղաքականությունը համահունչ երկրի զարգացումներին: Նա կարևորել է գումար ստեղծող կառույցի վրա հսկողություն սահմանելը: Մհեր Շահգելդյանն անհրաժեշտ է համարել, որ ԱԺ-ը նույնպես ծանոթա նախատեսվող քնարկումների արդյունքների հետ: Եզրափակիչ ելույթում հիմնական զեկուզող Վարդան Արամյանը նշել է, որ կառավարության քաղաքականության ուղղություններն արդեն իսկ ամրագրված են կառավարության որոշմամբ հաստատված ոլորտի զարգացման ռազմավարությունում: Փոխնախարարը կարևորել է բովանդակալից և լայն քննարկումների կազմակերպումը: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Պուտինը հեռախոսազրույց է ունեցել Փաշինյանի հետ և շնորհավորական ուղերձ հղել․ Կողմ ենք, որ հարաբերությունները շարունակեն զարգանալ ՌԴ նախագահը Փաշինյանին շնորհավորել է ծննդյան օրվա առիթով Բագրատ սրբազանի գլխավորած շարժման կողմնակիցներն ավտոերթով ուղևորվել են Գյումրի «Գնում ենք Գյումրի, երեխաներին այցելենք, հետո էլ հանրահավաք ունենք»,–ասել է նա |