  Անրի Ռենո. Կասկած չի կարող լինել, որ նախագահ Օլանդը կկատարի հայերին տված խոստումը 30 հոկտեմբերի 2012 - 17:01 AMT PanARMENIAN.Net - Այսօր ԵՊՀ-ում միջազգային հարաբերությունների ֆակուլտետի ուսանողների հետ հանդիպման ժամանակ Ֆրանսիայի արտակարգ և լիազոր դեսպան Անրի Ռենոն, պատասխանելով ուսանողների հարցերին, անդրադարձել է նաև Լեռնային Ղարաբաղի և Ցեղասպանության թեմաներին: «Կասկած չի կարող լինել, որ նախագահ Օլանդ կկատարի իր խոստումը », - ասաց դեսպանը: Հիշեցնենք, որ Ֆրանսիայում Ցեղասպանության հերքումը քրեկանացնող օրինագծի նախագիծ է մշակվել 2011 թվականին, Ֆրանսուա Օլանդի նախորդի` Նիկոլյա Սարկոզիի նախագահության ժամանակ: Նույն թվականի դեկտեմբերին Սենատի ներքին պալատն օրինագիծը հավանության արժանացրեց, որից հետո Թուրքիան հայտարարեց Ֆրանսիայի հետ ռազմաքաղաքական և տնտեսական հարաբերությունների սառեցման մասին: Դրանից հետո, հունվարին, օրինագիծն ընդունեց նաև Սենատի վերին պալատը: Բայց Ֆրանսիայի Սահմանադրական Խորհուրդը համարեց, որ նախագիծը սահմանափակում է ազատ խոսքի իրավունքը: Նախագծի հեղինակ Վալերի Բուայեն պատրաստվում է օրինագիծը նորից ներկայացնել Սենատին, իսկ Ֆրանսիայի նախագահը նախընտրական քարոզարշավի ժամանակ խոստացել է ճանաչել այն: Անդրադառնալով ԼՂ հակամարտության կարգավորման խնդրին` ԵԱՀԿ Մինսկի խմբի անդամ երկրի դեսպանն ասաց. «Ոչ ոք Հայաստանի և Ադրբեջանի փոխարեն չի կարող լուծում գտնել և խաղաղություն հաստատել: Հեշտ չէ, բայց լուծում կարելի է գտնել: Ֆրանսիայի նպատակը տարածաշրջանում և Հայաստանում քաղաքական կայունության ապահովումն է, բարեփոխումների իրականացումն ու Եվրամիության արևելյան գործընկերության ծրագրում ներառված երկրների հետ հարաբերությունների զարգացումը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
